سەردێر

وەزارەتی بازرگانی عیراق؛ بەشە خۆراكی مانگانە كرایە 7 جۆر

خەڵك
وەزارەتی بازرگانی عیراق ڕایدەگەیەنێت، گۆڕانكاری بەسەر بەشە خۆراكی مانگانەی هاووڵاتیاندا دێت و بەشە خۆراك لە 4 بەشەوە دەكرێتە 7 بەش ، كە لە دۆشاوی تەماتە و فاسۆلیاو نۆك زیادەكات .

وەزارەتی بازرگانی عیراق لە ڕاگەیەنراوێكدا بڵاویكردەوە، كە گۆڕانكاری لەجۆرەكانی بەشە خۆراكی هاووڵاتیان دەكرێت و بەم نزیكانە ژمارەی بەشە خۆراكەكان زیاد دەكرێت بۆ 7 جۆری خۆراك .

لە ڕاگەیەنراوەكەداهاتووە، جگە لە ئارد و زەیت و شەكر و برنج، هەریەك لە دۆشاوی تەماتە و فاسۆلیا و نۆك بۆ بەشە خۆراك زیاد دەكرێت و هەر حەوت بەشە خۆراكەكە بەردەوام دەبێت و مانگانە بەسەر هاووڵاتیاندا دابەشدەكرێت.

بە پێی زانیارییەكان لەمەودوا بەشە خۆراک بەم شێوەی لای خوارەوە دابەش دەکرێت لە هەموو عێراق بە هەرێمی کوردستانیشەوە :
١-برنج( ٣)سێ کیلۆ
٢-شەکر(١)یەک کیلۆ
٣-زەیت (١)یەک لتر
٤-دۆشاوی تەماتە(٤٠٠)چوارسەد گرام
٥-باقلەمەنی( ١)یەک کیلۆ (فاسۆلیا و نیسک و نۆک)
٦-ئارد( ٩)نۆ کیلۆ