سەردێر

پەكەكە راگەیاندراوێكی لەبارەی گرژییەكانی لەگەڵ پارتی بڵاوكردەوە

خەڵك

كۆمیتەی پێوەندییەكانی دەرەوەی پارتی كرێكارانی كوردستان پەكەكە، ڕایگەیاند پارتی بەمەبەست هەواڵی درۆ و بێ بنەما بڵاودەكاتەوە، ویستی ڕووداوی كوشتنی پێشمەرگەیەكی لە دەركار بخاتە ئەستۆی هێزەكانی هەپەگە، ئەم هەواڵانە هەموو دوورن لە ڕاستیی و بەم جۆرە ڕەوایەتیی دەدەن بە داگیركاریی دەوڵەتی توركیا.

كۆمیتەی پێوەندییەكانی دەرەوەی پەكەكە لە راگەیاندراوێكدا روونیكردەوە، پارتی ویستی ڕووداوی كوشتنی پێشمەرگەیەكی لە دەركار بخاتە ئەستۆی هێزەكانی هەپەگە، ئەم هەواڵانە هەموو دوورن لە ڕاستیی و بەم جۆرە ڕەوایەتیی دەدەن بە داگیركاریی دەوڵەتی توركیا، بۆ بەرگرتنە بە هەڵوەشانەوەی دەوڵەتی توركیا، ئێمە ئەو هەواڵە بێ بنەما و درۆیانە شەرمەزار دەكەین، كە لە چوارچێوەی شەڕی تایبەتی دەوڵەتی توركیا دایە، بۆ بە ئامانجگرتنی گەریلا و بزوتنەوەكەمان.

پەكەكە راشیگەیاند، پێگەی باشووری كوردستان و ژیانی ئازاد و دیموكراتی نە بە بێدەنگی، بەڵكو بە خاوەنداریی لە بەرخۆدان دژی داگیركاریی دەپارێزرێت، داواشی لە هەموو هێزەكان كرد كە بەشداریی بەرەنگاربوونەوەی داگیركاریی ببن.