سەردێر

هەپەگە؛ لەبارەی ڕووداوەكەی ئەمڕۆی هەرێمی مەتینا ڕوونكردنەوەیەك بڵاودەكاتەوە

خەڵك
فەرماندەیی مەیدانی خابوری هەرێمی مەتینای هەپەگە لەسەر گواستنەوەی هێزكانی پارتی ڕایدەگەیەنێت ، ئەو هەوڵەی پارتی زۆر مەترسیدارە، هەوڵێكی لەم شێوەیە شەڕێكی قورس لەنێوان هێز كوردییەكان دروست دەكات، دەشلێت،”بەیانی ئەمڕۆ لە دوولاوە هێرشیان كردە سەر دۆڵێك لەنێوان گردی چارچلا و گردی جولەمێرگ، كە خاڵێكی ستراتیژیی مەتینایە، بۆ ئەوەی ئەو هێرشە كە ٥٠ زرێپۆش تێدا بەشداربوون”.

فەرماندەیی مەیدانی خابوری هەرێمی مەتینای هێزەكانی پاراستنی گەل- هەپەگە، ڕاگەیەندراوێكی بڵاوكردەوە و تیایدا هاتووە، ئەمڕۆ كاتژمێر ٠٤:٠٠ی بەیانی، هێزەكانی سەربە پەدەكە، لە دوولاوە هێرشیان كردە سەر دۆڵێك لەنێوان گردی چارچلا و گردی جولەمێرگ، كە خاڵێكی ستراتیژیی مەتینایە، بۆ ئەوەی ئەو هێرشە كە ٥٠ زرێپۆش تێدا بەشداربوون، نەیەتە ناو دۆڵەكەوە، هێزەكانمان بە چەكی سووك تەقەی ئاسمانییان كرد، بەڵام ئەو هێزانە بێ گوێدانە هۆشدارییەكانمان، هێرشبەرانە بەرەو پێشهاتن.

ئاماژەبۆ ئەوەشكراوە، كە ئەو دۆڵە هیچ گوند و شوێنێكی نیشتەجێیبوونی تێدا نییە، ٢٥ ساڵە هێزی پێشمەرگە نەهاتووەتە ئەم مەیدانە و هێزەكانی گەریلای تێدان و لەدژی سوپای توركیا مینڕێژكراوە، سەرەڕای ئەوەی ئەمانەیان زانیوە و هۆشدارییشیان پێدرا، بەڵام یەك دوو ئۆتۆمبێلیان بەردەوام بەرەوە پێش دەهاتن، بەهۆی تەقینەوەیەك كە هۆكارەكەی نازاندرێت، چەند قوربانیی لێكەوتەوە، ئەم ئەنجامە خواستی ئێمە نەبوو و دڵی مرۆڤ دەئیشێنێت، بەڵام بەرپرسیارێتیی ئەم ڕووداوە لە ئەستۆی ئێمە نییە، بەرپرسیارێتی ڕووداوەكە لەسەر ئەوانەیە كە هێزەكەیان جوڵاندووە.

ئێمە وەک گەریلاکانی ئازادی کوردستان بۆ ئەوەی پەدەکە دەست لەم هەڵوێستەی هەڵبگرێت، بانگەوازی لە گەلی وڵاتپارێزی بادینان، لە هەموو گەلی کوردستان، هێزە سیاسیەکان، رۆشنبیر و هونەرمەندان دەکەین کە ئەرکی خۆیان بەجێ بهێنن.

راگەیەنراوەی فەرماندەیی گۆڕەپانی مەتینای هەپەگە بەم شیوەیەیە:
“ئەمڕۆ لە دەوروبەری كاتژمێر ٠٤:٠٠ هێزەكانی سەربە پەدەكە لەنێوان گردی چارچەل و گردی جۆلەمێرگ كە خاڵێكی ستراتیژیكی مەتینایە، لە دوولاوە هێرشی كرد. بۆ ئەوەی ئەو هێزە كە لە هەرلایەكەوە ٥٠ ئۆتۆمبێڵ بوون، نەكەونە نێو ناوچەكە، هێزەكانمان بە چەكی سووك هوشداری بە ئەو هێزانەدا. بەڵام هێزەكە بێ ئەوەی گوێ لە هوشداریەكە بگرێت، بە ئامانجی هێرش كردن پێشڕەویان كرد. هیچ گوند و شوێنێكی نیشتەجێبوون لەو ناوچەیە نییە. ٢٥ ساڵە هیچ پێشمەرگەیەك نەهاتووە بۆ ناوچەكە و گەریلا لەوێ جێگیر بووە و لەدژی توركی داگیركەر لەوێ ماوەتەوە. لەگەڵ ئەوەی ئەم شتانە روون و ئاشكران و لەگەڵ هوشداریەكان، یەك ئۆتۆمبێڵ یان دووان لە ئەنجامی تەقینەوەیەك كە نازانرێت چۆن روویداوە، ژمارەیەك كوژراو هەیە. ئەم ئەنجامە بە دڵی ئێمە نییە و دڵێ مرۆڤ ئازار دەدات. بەڵام بەرپرسیاری رووداوەكە لەسەر ئەستوی ئێمە نییە و بەرپرسیاری ئەو كەسانەیە كە هێزەكانیان ناردووە.

ئەم جموجووڵەی دژی گەریلاکانی ئازادی کوردستان کە لەدژی ئۆپەراسیۆنەکانی دوژمن لەسەر هێڵی کێستێ و زەندوورا ٤٣ رۆژە بەرخۆدانێکی مێژوویی دەکات، جگە لە هاوکاری دەوڵەتی تورک، هیچ مانایەکی دیکەی نییە. ئامانجیشی ئەوەی کە هەرێمەکە کۆنتڕۆڵ بکرێت، خزمەتی ئەوە دەکات کە ئەم گۆڕەپانە تەسکبکرێتەوە، بەرخۆدان لاواز بکرێت و رێگە بۆ دەوڵەتی تورک بکرێتەوە. هەروەها ئەم جموجووڵە لێدانی خەنجەرێکە لە پشتی هێزەکانی گەریلا . بەڵام لەگەڵ ئەوەشدا هێزەکانی گەریلامان ئەو هێزەیان نەکردووەتە ئامانج. ئەو هێزە بە هەڵەی خۆی یان هۆکارێکی دیکە رووبەرووی ئەم ئەنجامە بووەتەوە. دواتر بە هێرشی سەر هێزەکانمان هەڵوێستی شەڕی وەرگرتووە و ئەم دۆخە تا ئێستاش بەردەوامە.

لەم سەردەمە مێژووییە گرنگەدا ئەم کردەوەیەی کە لەلایەن پەدەکەوە ئەنجام دەدرێت، کردەوەیەکی بەم شێوەیەیە کە لەنێوان هێزە کوردیەکان رێگە بۆ شەڕێکی قۆڕس دەکاتەوە. بۆ کورد و دۆزی نەتەوەیی کوردستان بە واتای زیانێکی گەورە دێت. ئێمە نامانەوێت شەرێکی بەم شێوەیە لەنێوان هێزە کوردیەکاندا رووبدات. ئێمە بە تەنها دەمانەوێت لەدژی دەوڵەتی تورک لە دوژمنی سوێندخواردووی گەلەکەمانە بەرخۆدان بکەین و شەڕ بکەین. گەریلاکانی کوردستان بە بەرخۆدانی مێژوویی ٤٣ رۆژی رابردوو پیشانیاندا کە ئەوان دەتوانن هێرشی داگیرکەری سەر باشوری کوردستان بشکێنن. هەوڵدان بۆ گەمارۆدان لە پشتەوە لە رێباز و رێچکەی کورددا نییە، هەروەها رووداوێکی وایە کە داهاتووی گەلەکەمان دەخاتە ژێر مەترسیەکی گەورەوە.

ئێمە وەک گەریلاکانی ئازادی کوردستان بۆ ئەوەی پەدەکە دەست لەم هەڵوێستەی هەڵبگرێت، بانگەوازی لە گەلی وڵاتپارێزی بادینان، لە هەموو گەلی کوردستان، هێزە سیاسیەکان، رۆشنبیر و هونەرمەندان دەکەین کە ئەرکی خۆیان بەجێ بهێنن.”