سەردێر

دوو گەنج لە ئاوی سیرواندا خنكان

خەڵك – یەحیا حبیب

دوانیوەڕۆی ئەمڕۆ چوار شەممە، دوو گەنجی دانیشتوی گەڕەكی شارەوانی پاریزگای هەڵەبجە لە ڕووباری سیرواندا خنكان.

بەرزان عوسمان، وتەبێژی بەڕێوبەرایەتی پۆلیسی پارێزگای هەڵەبجە بە (خەڵك)ی ڕاگەیاند، “دوانیوەڕۆی ئەمڕۆ لە نزیك گوندی سازان لە ناو ڕووباری سیروان دوو گەنج لە ڕووبارەكەدا خنكان، پاش گەڕان و پشكنینی هیزە ئەمنیەكان و هاووڵاتیان، تەرمەكانیان دۆزرانەوە و ڕەوانەی پزیشكی دادی پارێزگای هەڵەبجە كران “.

وتیشی، “ئەو دوو گەنجە یەكێكیان تەمەنی 25 ساڵە و ئەوی تر 26 ساڵە و دانیشتوی گەڕەكی شارەوانی پاریزگای هەڵەبجەن”.

ڕاشیگەیاند، دۆسیە بۆ ڕووداوەكە لە بنكەی پولیسی ناحیەی سیروان ڕێكخراوە و لێكۆڵینەوە بەردەوامە.