سەردێر

شارەزوور: دوو بەكارهێنەری ماددەی هۆشبەر سزادران

خەڵك

بە ‌تۆمەتی بەكارهێنانی ماددەی هۆشبەر دوو تۆمەتبار لە شارەزوور دەستگیركران و بە ساڵێك زیندانی سزادران.


بەڕێوەبەرایەتی ئاسایشی شارەزوور لە ڕاگەیەنراوێكدا ڕایگەیاند: لە چوارچێوەی هەڵمەتە چڕ و بەردەوامەكانی هێزەكانی بەڕێوەبەرایەتی ئاسایشی شارەزوور، بۆ نەهێشتنی دیاردەی بەكارهێنان و بازرگانیكردن بە ماددەى هۆشبەر و كارتێكەرە عەقڵییەكان، لە ماوەی ڕابردوودا دوو تۆمەتبار لە‌لایەن هێزەكانی پۆلیسی هەڵەبجەوە، بە ‌تۆمەتی بەكارهێنانی ماددەی هۆشبەر دەستگیركران.

لە ڕاگەیەنراوەكەدا ئەوەش خراوەتەڕوو: تۆمەتبارەكان پەڕاوی لێكۆڵینەوەیان بۆ كراوەتەوە، بۆ ئەو مەبەستەش بە فەرمانی دادوەری لێكۆڵینەوەی ئاسایشی شارەزوور ڕەوانەی دادگای كەتنی هەڵەبجە كراون بە مەبەستی دادگاییكردنیان، بە پێی ماددەی 30 یاسای بەرەنگاربوونەوەی ماددە هۆشبەرەكان و كارتێكەرە عەقڵییەكان هەردوو تۆمەتبارەكە سزای یاساییان بۆ دەرچووە.