سەردێر

ڕۆژنامەنووسانی سلێمانی ڤاكسین وەردەگرن

خەڵك
لقی سلێمانی سەندیكای رۆژنامەنووسانی كوردستان ڕایدەگەیەنێت ، تەندروستی سلێمانی رەزامەندی نیشاندا بەدابینكردنی ڤاكسینی دژە كۆرۆنا بۆ رۆژنامەنووسان دەشڵێت،”هەفتانە لە یەك شەممەوە تا چوارشەممە پەنجا ئەندامی لقەكەیان ڤاكسین وەردەگرن”.

كاروان انور، سكرتێری لقی سلێمانی سەندیكای رۆژنامەنووسانی كوردستان بە(خەڵك)ی ڕاگەیاند، پاش ئەوەی تەندروستی سلێمانی ڕەزامەندی نیشاندا بەدابینكردنی ڤاكسینی دژە كۆرۆنا بۆ رۆژنامەنووسان، بە خۆشحاڵیەوە بنكەی تەندروستی بەختیاری وەك بنكەیەكی كوتانی ئاسایی، دابینكرا تا رۆژنامەنووسانیش بتوانن بەخستنەڕووی پێناسەكانیان هەفتانە (50) ئەندامی لقەكەمان ڤاكسین وەربگرن.

مەرجەكانی وەرگرتنی ڤاكسین بۆ ڕۆژنامەنوسان :

1. مەرجە رۆژنامەنووس پێناسەكەی لقی سلێمانی سەندیكای رۆژنامەنووسانی پێبێت.
2. مەرجە لە ئەپلیكەیشنی (Kurdvac) ناوی خۆی تۆمار بكات و زانیاریی داواكراو تۆماربكات.
3. مەرجە لە ئەپلیكەیشنەكەدا بنكەی تەندروستی (بەختیاری) لە شاری سلێمانی هەڵبژێرێت.
4. هەفتانە لە یەك شەممەوە تا چوارشەممە (50) پەنجا ئەندامی لقمان ڤاكسین وەردەگرن..
5. پێویست ناكات چاوەڕوانی وەڵامدانەوەی ناوەكەی بكات، تەنها ناوەكەی لەلیستی بنكەكەو لە رێی ئەپڵیكەیشنی (كوردڤاك) دا تۆماركرابێت، بەسە بۆ وەرگرتنی یەكەم ژەمی ڤاكسینەكە.

‎May be an image of ‎دەق‎‎