سەردێر

كودەتای سەربازی لە وڵاتی مالی ڕوویدا

خەڵك-

سەرۆك كۆمار و سەرۆك وەزیران و وەزیری بەرگری لەلایەن حكومەتی كاتی مالی دەستگیر كران.
ئاژانسی ڕۆیتەرز بڵاویكردەوە، فەرماندەكانی سوپای مالی بە كودەتایەكی سەربازی حكومەتی مەدەنیان لەو وڵاتە ڕاگەیاند و “باهـ ئانداو” سەرۆك كۆمار و “موختار وانە” سەرۆك وەزیران و “سلێمان دوكوری” وەزیری بەرگریان دەستگیر كرد.
بەپێی زانیارییەكان، ئەو سێ بەرپرسە باڵای وڵاتی مالی بۆ بنكەیەكی سەربازی لە حومەی ناوەندی پارێزگای باماكو گوازراونەتەوە.
ڕێكخراوی نەتەوە یەكگرتووەكان ئاشكرایدەكات، پێویستە بە زووترین كات و بە بێ هیچ مەرجێك ئەو سێ بەرپرسە ئازاد بكرێن و ئەو كەسانەشی ئەو سێ بەرپرسەیان دەستگیر كردووە پێویستە وەڵامی ئەو هەنگاوانەیان بدەنەوە و ئێمە گۆڕانكارییەكانی ئەو وڵاتە دەخەینە ژێر چاودێری و بەرگریش لە حكومەتی كاتی دەكەین.
جەخت لەوەش دەكەنەوە، خوازیاری ئارامین لە وڵاتەكە و ئەو كەسانەشی بەرپرسانی ئەو وڵاتەیان دەستگیر كردووە بە بەرپرس دەزانین.
یەكێتی ئەفریقا و یەكێتی ئەوروپا چەند ڕاگەیەنراوێكیان لەو بارەوە بڵاوكردووەتەوە و بەپێی زانیارییەكان، ئەمڕۆ سەردانی وڵاتی مالی دەكەن بۆ چارەسەركردنی كێشەكانیان.
ئەمەش لەكاتێكدایە، سوپای مالی تا ئێستا ئامانجی خۆی لەم هەنگاوەی ئاشكرا نەكردووە.