سەردێر

“توركیا هەزار و ٥٦٠ چەكداری لە لیبیا و سوریاوە بۆ شەڕی پەكەكە گەڕاندووەتەوە”

خەڵك

توركیا بۆ شەڕی پەكەكە، ١٠٠٠ چەكداری لە سوریا دەھێنێتە سنوورەكانی ئامێدی و ٥٦٠ چەكداری تریش لە لیبیا و سوریاوە دەگەڕێنێتەوە ناوچە سنوورییەكانی ھەرێم لەگەڵ توركیا.

بەپێی ھەواڵێكی ئاژانسی میزۆپۆتامیا، توركیا بۆ بەشداریكردن لە شەڕی پارتی كرێكارانی كوردستان”پەكەكە” ٥٦٠ چەكداری سوپای ئازادی سوریا كە گرووپێكی سەر بە توركیان، لە لیبیاوە گەڕاندووەتەوە و لە ئێستادا لە شارەدێی ڕووباروكی شارۆچكەی شەمزینانی سەر بە جولەمێرگ لە سنووری باكووری كوردستان و ھەرێمی كوردستان جێگیركراون.

ئەو ئاژانسە ئاماژەی بەوەشكردووە، لە ماوەی ڕابردووشدا توركیا نزیكەی ١٠٠٠ چەكداری سوپای سوریای ئازادی لە شارەدێی بامەڕنێ لە سنووری شارۆچكەی ئامێدی سەر بە دھۆك جێگیر كردووە و شەڕی پارتی كرێكارانی كوردستانی پێكردووە.