سەردێر

پۆلیسی سلێمانی: تۆمەتبارێك بە بڕێك ماددەی هۆشبەرەوە دەستگیركرا

خەڵك
بەڕێوەبەرایەتی پۆلیسی پارێزگای سلێمانی ڕایدەگەیەنێت ، لەلایەن مەفرەزەكانیانەوە تۆمەتبارێكیان بە بڕێك ماددەی هۆشبەرەوە دەستگیركرد، لەئێستادا تۆمەتبار ڕاگیراوەو لێكۆڵینەوە لەگەڵیدا بەردەوامە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا بڵاویكردەوە، كە دوای ئەوەی زانیاری لەسەر كەسێكی گوماناوی گەیشتە دەستمان، بەشی پۆلیسی نەهێشتنی تاوانی سلێمانی لێكۆڵینەوەكانی دەستپێكردوو دوای وەرگرتنی بڕیاری دادوەر توانرا (م ، أ ، م )لەدایكبووی 1994 بدۆزرێتەوەو دەستگیربكرێت .

ئاماژەبۆ ئەوەشكراوە، كە لەكاتی دەستگیركردنیشیدا دەستگیرا بەسەر بڕێك ماددەی هۆشبەر لە جۆری (حەشیش ) لەكاتی لێكۆڵینەوەشدا دەركەوت تۆمەتبار بەنایاسایی هاتۆتە ناوشاری سلێمانی، لەئێستادا تۆمەتبار ڕاگیراوەو لێكۆڵینەوە لەگەڵیدا بەردەوامە .

‎May be an image of ‎یەک کەس یان زیاتر‎‎