سەردێر

سەرۆكی دەستەی سەربەخۆی مافی مرۆڤی هەرێم دەگۆڕێت

خەڵك-
پەڕلەمانی كوردستان ڕۆژی سێ‌ شەممەی ئەم هەفتەیە كۆدەبێتەوە و تێیدا خوێندنەوە بۆ چەند پڕۆژە یاسایەك دەكات و دەنگیش لەسەر سەرۆكی دەستەی سەربەخۆی مافی مرۆڤ دەدات.

د. ڕێواز فایەق، سەرۆكی پەڕلەمانی كوردستان لە بانگەوازێكدا بانگهێشتی پەڕلەمانتاران دەكات بۆ كۆبوونەوەی ژمارە 13ی خولی بەهارە لە ڕۆژی سێ‌ شەممە 18ی ئایار لە كاتژمێر 11ی پێشنیوەڕۆ.

بەپێی بەرنامەی كاری كۆبوونەوەكە، كە دەست (خەڵك) كەوتووە، دەنگ دەدرێت لەسەر پاڵاوتنی (منی یوخنا یاقو) بۆ پۆستی سەرۆكی دەستەی سەربەخۆی مافی مرۆڤ لەهەرێمی كوردستان و خوێندنەوەی چەند پڕۆژە یاسایەك و دەنگدان لەسەر پڕۆژە یاسای وەزارەتی كارەبا.

هەر بەپێی بەرنامەی كارەكە، یاسای ڕەسمی پولی عێراقی لە هەرێم بەركار دەكرێت و یاسای ماف و ئیمتیازاتی كەمئەندام و خاوەن پێداویستیی تایبەت هەموار دەكرێتەوە.

May be an image of text

No photo description available.