سەردێر

كەش و هەوای ڕۆژانی جەژنی ڕەمەزان ڕاگەیەنرا

خەڵك-
بەپێی ڕاپۆرتە كەشناسییەكان، لە هەر سێ‌ ڕۆژی جەژنی ڕەمەزانی پیرۆزدا پلەكانی گەرما بەرزدەبنەوە و لە چەند ناوچەیەكی بادینان نمەباران دەبارێت.

محەمەد كەمال، شارەزای كەشناسی بۆ (خەڵك) لەبارەی دۆخی كەشوهەوای ڕۆژانی جەژنی ڕەمەزانەوە ئەوەی ڕووونكردەوە، كە لە ناوچە گەرمەسێرەكان، گەرمیان – كەركووك بەگشتی پلەی گەرما لەنێوان 38° پلە بۆ 42° پلەی سەدی دەبێت، بەڵام لەناوچە كوێستانیەكان (سلێمانی، هەڵەبجە، هەولێر، دهۆك) بەگشتی پلەی گەرمای لەنێوان 33° بۆ 38° پلەی سەدی دەبێت.

ئاماژەی بەوەشكرد، لە یەكەم ڕۆژی جەژندا ئەگەر ڕۆژی پێنج شەممە بێت 13ی ئایار، ئاسمان بەگشتی هەور و خۆرەتاو دەبێت و خێرایی با بەڕیژەی 19 كم/ كاتژمێر چالاك دەبێت و پلەكانی گەرما لەو ماوەدا بەڕێژەی 7 پلە بەرزدەبێتەوە.

وتیشی، “لە دووەم ڕۆژی جەژن ئاسمان خۆرەتاو دەبێت و خێرایی با بەڕێژەی 22 كیلۆمەتر چالاك دەبیت و پلەكانی گەرما بەبەرزی دەمێننەوە و لە سێیەم ڕۆژیش ئاسمان هەتاو دەبێت و لەناوچە شاخاویە بەرزەكانی بادینان ئەگەری نمە باران هەیە و خێرایی با بەڕێژەی 24 كم چالاك دەبێت و پلەكانی گەرما بەبەرزی دەمێننەوە”.