سەردێر

هەولێر، شۆفێرێك گیانی لەدەستدا

خەڵك-
لەسەر رێگەی “هەولێر- پیرمام، ڕوەداوێكی هاتووچۆ لەجۆری پێكدادان رویدا و بەوهۆیەوە كەسێك گیانی لەدەستدا، وێڕای كەوتنەوەی زیانێكی زۆری ماددی.

ئەمڕۆ دوو شەممە، فازڵ حاجی وتەبێژی بەڕێوەبەرایەتی گشتی هاتووچۆی هەولێر لەسەر پەیجی تایبەتی خۆی لەسەر تۆڕی كۆمەڵایەتی (فەیسبوك) بڵاویكردەوە” كاتژمێر 9:00ی سەر لەبەیانی ئەمڕۆ دووشەممە، لەسەر ڕێگای “هەولێر – پیرمام” بەرامبەر بەفرین سیتی، ئۆپل ئۆمێگایەكی تایبەت كە لەهەولێر بەرەو پیرمام دەڕۆیشت بەهۆی تیژڕۆییەوە كۆنتڕۆڵی لەدەستداو، بەرەو دورگەی ناوەندی شەقام ڕۆیشت وبەسەری كەوت”.

وتەبێژی هاتووچۆی هەولێر دەڵێت” لەدواییش لەدیوەكەی دیكەی شەقام دابەزی و،خۆی كێشا بەپیكابێكی دەبڵ كە بەرەو هەولێر دەهات، لە ئەنجامی ڕوداوەكەش شوفێری ئۆپڵەكە گیانی لەدەستدا و، زیانێكی زۆری مادیش كەوتەوە”.