سەردێر

جەژنی ئەمساڵیش هەرێم بێ‌ گەشتیار دەبێت

خەڵك
ساڵی ڕابردوو بەهۆی ڤایرۆسی كۆرۆنا جەژنی ڕەمەزان بە كەرەنتین بەڕێوەچوو هیچ گەشتیارێكی بیانی نەهاتە هەرێمی كوردستان، بۆ ئەمساڵیش بە هەمان شێوە دەبێت بەهۆی بڕیاری قەدەغە هاتوچۆی نێوان هەرێمی كوردستان لەگەڵ پارێزگاكانی عێراق و وڵاتانی دراوسێ‌.

نادر ڕۆستی، وتەبێژی دەستەی گەشتوگوزار بە (خەڵك)ی ڕاگەیاند، بە هۆی كەرەنتین لەنێوان هەرێمی كوردستان لەگەڵ وڵاتانی دراوسێ‌ دەستەی گەشتوگوزار هیچ ئامادەكارییەكی نییە.

ئاماژەی بەوەشكرد، ئەگەر قەدەغەی هاتووچۆ لە شارەكانی عێراقدا جێبەجێ‌ بكرێت ئەوا هیچ گەشتیارێك نایەتە هەرێمی كوردستان و ئەگەر جموجۆڵێك هەبێت لە نێوان شارەكانی هەرێمدا دەبێت.

باسیلەوەشكرد، بۆگەشتیارانی ناوخۆ هۆتێل و ڕێستۆرانت و شوێنە گەشتیاریەكان ئامادەن پێشوازی لە گەشتیاران بكەن .

ئاماژەی بەوەشكرد، شوێنە گەشتیاریەكان لەڕووی نرخەوە بە هەمان شێوەی پێشوو دەبێت بەپێی ڕێنمایی دەستەی گەشتوگوزار و بەڕێوەبەرایەتییەكان دەبێت.