سەردێر

وادەی كۆتاییهاتنی پڕۆسەی خوێندنی ئەمساڵ ڕاگەیەنرا

خەڵك-

وەزیری پەروەردە ڕایدەگەیەنێت، 16ی ئەم مانگە پڕۆسەی خوێندن لە هەرێم دەستپێدەكاتەوە.

ئالان حەمە سەعید وەزیری پەروەردەی حكومەتی هەرێمی كوردستان لە كۆنفڕانسێكی ڕۆژنامەوانیدا ڕایگەیاند، بڕیارە لە 16/5/2021 پڕۆسەی خوێندن دەست پێبكەینەوە.

وتیشی”یەكەم ڕۆژی وەرزی هاوین كۆتا ڕۆژی پڕۆسەی خوێندنی ئەمساڵ دەبێت، ئەوەی دەمێنێتەوە تەنها تاقیكردنەوەكانە لە پۆلی 1ی بنەڕەتی تا 11ی ئامادەیی”.

ئاشكراشیكرد، بڕیاری دەستپێكردنەوەی پڕۆسەی خوێندن لە هەرێمی كوردستان بە گرتنەبەری ڕێكار و ڕێنماییە تەندروستییەكان لەلایەن لیژنەی باڵای ڕووبەڕووبوونەوەی كۆرۆنا پەسەند كراوە.

سەبارەت بە ئامێری فێنكەرەوە بۆ ناوەندەكانی خوێندن ناوبراو ئاشكرایكرد، لە هەوڵەكانمان بۆ ئەو مەبەستە بەردەوامین، بەڵام پڕۆسەی خوێندن ماوەیەكی كەم لە وەرزی گەرما دەمێنێتەوە.

پڕۆسەی خوێندن لەكاتێكدایە، وەزارەتی پەروەردە پڕۆگرامەكانی خوێندنی كەم كردەوە و هاوكات پڕۆسەكەش بەشێوەی تەناوب دەستپێدەكاتەوە.