سەردێر

هەولێر.. چەكە بێ‌ مۆڵەتەكان دەستیان بەسەردا دەگیرێت

خەڵك
پۆلیسی هەولێر هەڵمەتی دەستبەسەردا گرتنی چەكی بێمۆڵەتی دەستپێكردووە و سەرپێچیكاران دادگایی دەكرێن .

هۆگر عەزیز، وتەبێژی پۆلیسی هەولێر بە (خەڵك)ی ڕاگەیاند، پۆلیسی هەولێر بە هەماهەنگی لەگەڵ سەرجەم هێزە ئەمنیەكانی پارێزگاكە هەڵمەتی دەستبەسەرداگرتنی چەكی بێ مۆڵەتی دەستپێكردووە و هەركەسێك بەبێ‌ مۆڵەت چەكی پێبێت ڕووبەڕووی یاسا دەكرێتەوە.

ئاماژەی بەوەشكرد، حكومەتی هەرێمی كوردستان بە یاسای ژمارە 16 ی ساڵی 1993 یاسای هەڵگرتنی چەك، مامەڵە لەگەڵ ئەو كەسانە دەكات كە هەڵگری چەكی بێمۆڵەتن.

مۆڵەتی چەك بەكێ‌ دەدرێت؟

باسیلەوەشكرد، تەنها مۆڵەتی پارێزگای هەولێر لەگەڵ وەزارەتی ناوخۆ ڕێگە پێدراوە بۆ هەڵگرتنی چەك لەگەڵ ئەو هێزە ئەمنیانەی كە چەكدارن و هیچ مۆڵەتێكی دیكە بوونی نییە.

سەبارەت بە ئاماری ئەو چەكە بێ مۆڵەتانە هۆگر عەزیز وتی، هێشتا سەرەتای هەڵمەتەكەیە و لە ماوەیەكی دیكەدا ئاماری دەستبەسەرداگرتنی ئەو چەكە بێمۆڵەتانە دەخەینەڕوو.