سەردێر

پڕۆژەیەك بۆ مووچەی فەرمانبەران و چاكسازی ڕاگەیەنرا

خەڵك-
یەكێتی پەڕلەمانتارانی كوردستان پڕۆژەیەك بۆ چاكسازی و چارەسەری دۆخی مووچەخۆران و كۆتایی هێنان بە لێبڕینی مووچە پڕۆژەیەك ڕادەگەیەنێت و داوا دەكات، ئەوانەی دوو مووچە و زیاتریان هەیە ببڕدرێت و هیچ كەس و لایەنێك داهاتی نایاسایی بۆ نەچێت.

یەكێتی پەڕلەمانتارانی كوردستان لە پڕۆژەیەكدا، كە وێنەی دەست (خەڵك) كەوتووە بە ناوی (بارودۆخی ئابوووری خەڵكی هەرێمی كوردستان و پێویستییەكانی كتوپڕی بۆ چارەسەری بارودۆخەكە) ئاماژەی بەوەكردووە، هەنگاوی بەپەلە بنرێ بۆ چارەسەری مووچەبڕین و پێویستە پڕۆسەی بایۆمەتری بخرێتە گەڕ و بنەبڕی دوومووچە و زیاتر بكرێت.

هەر لە پڕۆژەكەدا هاتووە، ” هیچ كەس و لایەنێك داهاتی نایاسایی بۆ نەچێت” و جەختیشی كردۆتەوە، پڕۆسەی چاكسازی ماوەیەكی زۆری بەسەرداچووە و خەڵكی كوردستان خەریكە متمانەی بە پرۆسەی چاكسازی نەمێنێت.

May be an image of text