سەردێر

هێرشی مووشەكیی كرایە سەر بنكەی ئاسمانیی بەلەد

خەڵك
سەرچاوەیەكی سەربازیی عێراقی رایگەیاند، سێ مووشەك ئاراستەی بنكەی ئاسمانی بەلەد لە پارێزگای سەڵاحەددین كراوە كە هێزەكانی ئەمریكا تیایدا جێگیركراوە.

نەقیب سەمیر شەبهانی، ئەفسەر لە پۆلیسی پارێزگای سەڵاحەددین، بە ئاژانسی ئانادۆلوی راگەیاندووە: “سێ مووشەكی جۆری كاتیۆشا لەلایەن كەسانی نەناسراوەوە ئاراستەی بنكەی ئاسمانی بەلەد لە پارێزگای سەڵاحەددین كرا”.

ئەوەشی وتووە، هێرشە مووشەكییەكە هیچ زیانێكی گیانی و ماددی لێنەكەوتووەتەوە و هێزەكانی سوپا و پۆلیسی خۆجێی هەڵمەتێكی كێوماڵكردنیان لە ناوچەكانی دەرووبەری بنكەكە ئەنجامدا.