سەردێر

لە مانگێكدا 28 هاووڵاتی كورد دەستبەسەر كراون

خەڵك
لە مانگی ڕابردوودا ٢٨ هاووڵاتیی كورد بە تۆمەتی چالاكی سیاسی و هەروەها بەشداری لە ڕێوڕەسمەكانی تایبەت بە نەورۆز دەستبەسەر كراون.

ڕێكخراوی مافی مرۆڤی هەنگاولە ڕاپۆرتێكدا بڵاویكردەوە لە مانگی ڕابردوودا ٢٨ هاووڵاتیی كورد بە تۆمەتی چالاكی سیاسی و هەروەها بەشداری لە ڕێوڕەسمەكانی تایبەت بە نەورۆز دەستبەسەر كراون.

بەپێی ڕاپۆرتەكە، ٢٢ كەس بە تۆمەتی چالاكی سیاسی و پەیوەندی لەگەڵ حیزبە كوردستانییەكانی دژبەری حكومەت و هاووڵاتییەكیش بە هۆی بەشداری كردن لە ڕێوڕەسمەكانی تایبەت بە نەورۆز و ٥ كەسیش بە تۆمەتی چالاكی مەدەنی دەستبەسەر كراون.

لە ڕاپۆرتەكەدا ئەوەش هاتووە، زۆرترین هاووڵاتی لە پارێزگاكانی ئورمیە دەستەبەسەر كراون كە ١٣ حاڵەت بووە،3 كەسیشیان مێرمنداڵن و تەمەنیان كەمتر لە 18 ساڵە و ٣ ژنیش لەو ماوەیەدا دەستبەسەر كراون.