سەردێر

كۆمەڵێك سەلەفی هێرش دەكەنەسەر هاووڵاتیانی مەریوان

لە سەیرانگاكان پەلاماری كچان و ژنانیان داوە

خەڵك-

لە ماوەی رۆژانی رابردوودا بۆ چەندەمین جار ژمارەیەك كەسی سەلەفی و توندڕۆ هەوڵی هێرشكردنیان داوە بۆ سەر ژمارەیەك لە هاووڵاتیانی ناوچەكانی دارسەیران و مەریوان لە رۆژهەڵاتی كوردستان.

بەپێی زانیارییە تایبەتەكان لە سەرچاوە هەرێمییەكانەوە، چەند رۆژێك لەمەوپێش ژمارەیەك كەسی سەلەفی بە چەكی گەرم و سارد هەوڵی كوشتن و برینداركردنی لاوێكی ناوچەی دارسەیرانیان داوە.

ئەم كەسانە تا ئێستا دەستگینەكراون و لەلایەن هاووڵاتیانیشەوە تووڕەیی بەرامبەریان هەیە و داوا دەكرێت بە زووترین وەخت سزای ئەم هێرشبەرانە بدرێت.

ئەمە یەكەمجار نییە ئەم كەسە سەلەفییانە هاووڵانیانی سنووری شاری مەریوان بێزار دەكەن، جاری دیكەش بە چەك هێرشیان كردووەتەسەر هاووڵاتیان تەنانەت لە سەیرانگاكان پەلاماری كچان و ژنانیانداوە.

لە مەریوان و دارسەیران ئامادەكاری بۆ سازكردنی خۆپیشاندان و ناڕەزایەتی دەكرێت لەلایەن هاووڵاتیان و چالاكەوانانی مەدەنییەوە.