سەردێر

سلێمانی.. شەش خولی پیشەیی بۆ گەنجان دەكرێتەوە

خەڵك

بەڕێوەبەرایەتی ڕاهێنانی پیشەیی سلێمانی لە ڕاگەیەنراوێكدا ڕایدەگەیەنێت: بەمەبەستی ڕەخساندنی هەلی كاری زیاتر لە بازاڕی كاردا و هەوڵدان بۆ بوون بە خاوەن پڕۆژەی تایبەت لەلایەن گەنجانەوە هەڵدەستێت بە كردنەوەی شەش خولی پیشەیی لە سنوری پارێزگای سلێمانی.

دەقی ڕاگەیەنراوەكە:

بەڕێوەبەرایەتی ڕاهێنانی پیشەیی سلێمانی لە ژێر چاودێری ڕاستەوخۆی وەزارەتی كارو كاروباری كۆمەڵایەتی و بەڕێوەبەرایەتی گشتی كارودەستەبەری كۆمەڵایەتی بە مەبەستی ڕەخساندنی هەلی كاری زیاتر لە بازاڕی كاردا و هەوڵدان بۆ بوون بە خاوەن پڕۆژەی تایبەت لەلایەن گەنجانەوە هەڵدەستێت بە كردنەوەی شەش خولی پیشەیی لە سنوری پارێزگای سلێمانی
خولەكان بریتین لە:

١-كۆمپیوتەر
۲-كارەبا
٣-تلیكۆم (كامێرای چاودێری و نێتۆرك)
٤-میكانیكی ئوتومبێل
٥-بازاڕگەری
٦-دروومان (بەشداربووانی دروومان پێشتر لەڕێی لینكی بەڕێوەبەرایەتیمانەوە ژمارەیەكی زۆر فۆڕم پڕكراوەتەوە بۆیە بەشدار بووی تازە ناتوانێت فۆڕم پڕ بكاتەوە)
جگە لەبابەتی دیاری كراو فێرخوازی هەموو خولەكان چەندین بابەتی تر دەخوێنن وەك (جیهانی كارەكان بناسە،كارامەیی ژیان، دەستەبەری كۆمەڵایەتی،بێوەیی پیشەیی، cv)
مەرجەكانی خول
٭فێرخواز دەبێت بێ كار بێت
٭فێرخواز نابێت خوێندكار بێت
٭تەمەنی لە ۱٨ ساڵ بۆ ۳٨ ساڵ بێت
٭دەبێت فێرخواز سەرجەم ڕۆژەكانی هەفتە جگە لە پشووی فەرمی ئامادە بێت لە هۆڵی خوێندن بە پێچەوانەوە لە خولەكە دوور دەخرێتەوە
*فێرخواز لە كۆتایدا بڕوانامەی فەرمی و باوەڕپێكراوی وەزارەتی كاروكاروباری كۆمەڵایەتی پێ دەخشرێت
٭سەرجەم خولەكان بێ بەرامبەرن
٭دوا وادە بۆ پڕكردنەوەی فۆڕم ڕێكەوتی ٢٠٢١/٥/١٠
پاسی تایبەت فێرخواز لە سەنتەری شارەوە دەگوازێتەوە بۆ بەڕێوەبەرایەتیمان و وە بە پێچەوانەوە
بەڕێوەبەرایەتی ڕاهێنانی پیشەیی سلێمانی بەردەوام خولی پیشەیی بێ بەرامبەر دەكاتەوە لە سنوری پارێزگای سلێمانی بە مەبەستی ڕەخساندنی هەلی كاری زیاتر و كارئاسانی كردن بۆ كردنەوەی پڕۆژەی بچووك لە لایەن گەنجانەوە.

بۆ پڕكردنەوەی فۆڕمی ئۆنلاین كرتە بكە..