سەردێر

لە هەولێر، باندێكی مەترسیدار دەستگیركران

خەڵك-ئارام سەردار

وتەبێژی پۆلیسی هەولێر ڕایدەگەیەنێت، باندێكی گەورە و مەترسیداری دزی و ڕفاندنیان لەناو شاری هەولێر دەستگیركرد.

هۆگر عەزیز، وتەبێژی پۆلیسی هەولێر لەكۆنفڕانسێكی ڕۆژنامەوانیدا ڕایگەیاند، هێزەكانی پۆلیس لەهەولێر باندێكی گەورە و مەترسیداری دزی و ڕفاندنی لەناو شار دەستگیركرد، كە پێكهاتوون لە ژمارەیەك تۆمەتبار بەهێزی چەك خەڵكیان دەڕفاندن و دزیان دەكرد، چەند ژن و منداڵێكیشیان ڕفاندووە و خۆیان بەكەسی نزیكی بەرپرسی باڵای بەغداد ناساندووە كەچی ئەو بابەتەش وانەبووە.

دەشڵێتك “دوای دەستگیركردنی سێ تۆمەتبار، هەینی ڕابردوو توانرا بەپێی ماددەی ٤٤٤ لەیاسای سزادان تۆمەتباری سەرەكی دەستگیربكەن، ڕادەستی بەغدادیان دەكەنەوە”.

ئەوەشی خستەڕوو، ١٨٣ تۆمەتباریشیان لە ساڵی ٢٠٢٠ ڕادەستی شارەكانی تری عیراق و هەرێم كردۆتەوە، كە چەندین تۆمەتی دزی و ڕفاندن و تاوانی تری جۆراوجۆریان ئەنجامدابوو، و دەشڵێت: “دڵنیایی دەدەینە هاووڵاتیانی هەولێر كەوا سەروماڵیان دەپارێزن”.