سەردێر

ئیخوان ئەردۆغانی تووڕە كرد

ئیخوان لەگەڵ حزبێكی نەیاری ئەردۆغاندا كۆبوونەوە

خەڵك-

دوای چەند سەعاتێك لە لێدوانی كرەموڵڵا ئۆغلۆ سەرۆكی پارتی سەعادەی توركی ئۆپۆزسیۆن دوای كۆبوونەوەی لەگەڵ ژمارەیەك كەسی گرووپی ئیخوان لە ئیستەنبوڵ، ئەمە بە كودێتایەكی ئیخوان لێكدرایەوە بەسەر رەجەب تەیب ئەردۆغان سەرۆكی توركیا، بەڵام هەرزوو رێبەری گشتی ئیخوان ئیبراهیم موونیر هەڵەكەیانی راستكردەوە رایگەیاند رێز لە دەستوور و یاسا و سەرۆكی توركیا دەگرن، لەگەڵ سەقامگیری رەوشی سیاسی نێوخۆی وڵاتیشن.

چاودێران دەڵێن گرووپی ئیخوان هەوڵی داوە تۆمەت لەسەر خۆی لاببات، بەڵام هەوڵی داوە كە فشار لەسەر حكومەت بكات بەهۆی مامەڵەكانی نزیكبوونەوە لە میسر، رازی بوون بە مەرجەكانی میسر بۆ داخستنی كەناڵەكانی ئیخوان لە توركیا و رادەستكردنی داواكراوان بۆ دادگای میسر.

بە گوتەی چاودێران ئیخوان بەپێی بەرژەوەندییەكانی خۆی كار دەكات هاوپەیمانی هەمیشەیی نییە، كۆبوونەوەشی لەگەڵ سەعادەت بۆ رێكخستنەوەی بوونیەتی لە ئەم وڵاتە.

ئێستا ئیخوان دەگەڕێت بە دوای هاوپەیمانێكی نوێدا لە توركیا لە بری پارتی داد و گەشەپێدانی فەرمانڕەوا دوای هەنگاوەكانی نزیكبوونەوە لە میسر.