سەردێر

ڤیدیۆ، ئەنجامدانی مەراسیمی هاوسەرگیری لە نەخۆشخانەی كۆرۆنا

خەڵك-

پیاوێكی هیندی لەگەڵ ئەوەی هەڵگری ڤایرۆسی كۆرۆنایە، بەڵام مەراسیمی هاوسەرگیرییەكەی ئەنجامدا.
ئاژانسی ئیرۆنیوز تۆمارێكی ڤیدیۆیی هاوسەرگیری ژن و پیاوێكی هیندی بڵاوكردەوە، كە هەرچەندە پیاوەكە هەڵگری ڤایرۆسی كۆرۆنایە، بەڵام مەراسیمەكەیان ئەنجامدا و ئەمەش لە تۆڕە كۆمەڵایەتییەكان كاردانەوەی بەدوای خۆیدا هێنا.
بەپێی زانیارییەكان، مەراسیمەكە لە ویلایەتی مادیا و بە مۆڵەتی حكومەت ئەنجامدراوە، ئەو كەسانەی لە مەراسیمەكەدا ئامادەن جلوبەرگی تایبەت بە خۆپارێزیان لە كۆرۆنا پۆشیوە و دەمامكیشیان بەستووە، مەراسیمەكەش بەپێی ئاینی هیندستان بەڕێوەچووە.
بە وتەی باوكی زاوا، هەرچەندە كوڕەكەی چەند ڕۆژێك پێش وادەی مەراسیمەكە تووشی كۆرۆنا بووە، بەڵام هیچ نیشانەیەكی پێوە دیار نەبووە.
ژمارەیەك لە هاووڵاتیان ڕەخنە لەو جۆرە مەراسیمانە دەگرن و بە هەڵەی ناودەبەن و پێیانوایە پێویست بوو چاوەڕێ بكەن تا ئەوكاتەی چارەسەر وەردەگرن، هاوكات دەشڵێن، دەبوو حكومەت ڕێگای بە ئەنجامدانی ئەو شێوە مەراسیمانە نەدایە.
هەندێكیترشی بە گاڵتە ئامێزەوە دەڵێن، لەوانەیە زاوا ئەگەری مردنی بە ڤایرۆسی كۆرۆنا بۆ خۆی دانابێت، بۆیە بەو شێوەیە مەراسیمەكەی ئەنجامداوە.
ئەمەش لەكاتێكدایە، لەماوەی هەفتەی ڕابردوودا هیندستان ڕۆژانە ڕیكۆردی تووشبوونی بە ڤایرۆسی كۆرۆنا لە جیهاندا تۆمار دەكات.

 

View this post on Instagram

 

A post shared by euronews persian (@euronews_persian)