سەردێر

پژاك؛ كرێكاران بڕبڕەی پشتی تێكۆشانە ئازادیخوازەكانن

خەڵك
پارتی ژیانی ئازادی كوردستان ڕایدەگەیەنێت، 1ی ئایار ڕۆژی ناڕەزایەتی و سەرهەڵدان و تێكۆشان دژی، كوشتار، لەسێدارەدان و بێبەشكردنی كرێكارانی جیهان لە پێناو بەدەستهێنانی مافە دیموكراتییەكان و ئازادیی تەواوی كۆمەڵگا بە پێشەنگایەتی توێژی ڕەنجدەری كرێكارە.

پارتی ژیانی ئازادی كوردستان (پژاك) بە بۆنەی ڕۆژی جیهانی كرێكارانەوە پەیامێكی بڵاوكردەوە و ڕایگەیاندووە، كرێكاران بڕبڕەی پشتی تێكۆشانە ئازادیخوازەكانن، بۆیە پێویستە هەموو توێژەكان پشتیوانی لە تێكۆشانی كرێكاران بكەن.

پارتی ژیانی ئازادی كوردستان-پژاك
بە بۆنەی ١ی ئایار ڕۆژی جیهانی كرێكاران، ڕاگەیەندراوێكی بڵاكردەوە و ئەو ڕۆژەی لە هەموو كرێكارانی كوردستان، ئێران و جیهان پیرۆز كرد.
لە ڕاگەیەندراوەكەی پژاك-دا هاتووە: ١ی ئایار ڕۆژی جیهانی كرێكار، ڕۆژی ناڕەزایەتی، سەرهەڵدان و تێكۆشان دژی، كوشتار، لەسێدارەدان و بێبەشكردنی كرێكارانی جیهان لە پێناو بەدەستهێنانی مافە دیموكراتییەكان و ئازادیی تەواوی كۆمەڵگا بە پێشەنگایەتی توێژی ڕەنجدەری كرێكارە، ڕۆژی هەڵهاتنی خۆری هەموو سەرهەڵدانەكان بۆ گۆڕینی جیهانی تاریكی سەرمایەداری لە هەموو ئازادیخوازانی كوردستان، ئێران و جیهان پیرۆز دەكەین.

هەروەها هاتووە: ١ی ئایار یەكێك لە ڕۆژە سیمبولیكەكانە كە هەمیشە نیشانەی بەرزبوونەوەی سەرهەڵدانی گەلی كورد بۆ تێكۆشان دژبە فاشیزم و كۆمەڵكوژی بووە و هەروەها سەرهەڵدانی ئازادیخوازانەی بزوتنەوەی ئازادیخوازیی گەلی كوردی بەهێز كردووە، توێژی كرێكار هەمیشە پێشەنگی ڕەنجدەری هەموو سەرهەڵدانە هاوچەرخەكانی ئێران و ڕۆژهەڵاتی كوردستان بووە و بووەتە هێمای یەكێتی نەتەوە مەزڵومەكان و هەموو ساڵێك زیاتر لە ڕابردوو نەتەوە بندەستەكانی ئاگاتر كردووەتەوە و نزیكیان كردووەتەوە لە ئازادی.

لە بەردەوامی هاتووە: ١ی ئایاری ساڵی ١٩٤٦، خۆپیشاندانی كرێكارانی كرماشان تێكەڵی خاك و خوێن كرا و ١٤ كرێكار كوژران و ١٢٠ كرێكاری دیكەش برینداركران، كە وەك یەكەم گیانبەختكردووانی ١ی ئایار لە ئێران و ڕۆژهەڵاتی كوردستان، یادیان دەكرێتەوە، ئەمڕۆكەش فاشیزمی خوێنخوار، ڕۆژانە بە بنپێیكردنی مافی دیموكراتی كرێكاران و برسی كردن و لەسێدارەدان، لە ڕاستیدا هموو كۆمەڵگای كۆت و بەند كردووە، هەموو سەركوتە سیاسیی و سەربازییەكان لە ئێران، وەك جاران بە سەركوتی توێژی كرێكار دەستپێدەكات و لەم ڕێگەیەوە هەموو بەڕێكخستن كردنە دیموكراتییەكان ئاستەنگ دەكەن، ترس لە یەكڕێزی و یەكێتی كرێكاران و چالاكییە بەردەوامەكانیان، لە ڕاستیدا ترس لە سەرهەڵدانی كۆتایی بۆ سەركەوتنی بندەستانە.

هەروەها هاتووە: ڕێگەی ئازادیی گەلی كوردیش لە دەروازەی تێكۆشانی كرێكارانەوە تێدەپەڕێت، لە سەدەی ڕابردوو كە سیاسەتی بێ بەزەییانە و دڕندانەی كۆمەڵكوژیی فاشیزم دژی گەلی كورد بەردەوام بوو، توێژی كرێكار لە بەرەی پێشەوەی هەموو تێكۆشانە ئازادیخوازانەكاندا ڕۆڵێ بڕبڕەی پشتی گێراوە و هێشتاش ئەم ڕۆڵە بێ گەردەی كەم نەبووەتەوە، تێكۆشانی كرێكاری لەو جۆرەیە كە گەنجان، ژنان، بێبەشان و هەموو توێژەكان لە ڕێكخستنی خۆی هاوبەش دەكات و وەك سەرهەڵدانی كۆمەڵگای كوردییە.

لە بەشێكی دیكەدا هاتووە: دیاردەی كۆڵبەری لە كوردستان، نیشانەی دۆخێك خراپتر لە دۆخی كریكارانە كە ڕەهەندی كوشتاری گرتووەتەبەر، ئەم زوڵمەی دوژمن، زوڵمێك دژی هەموو گەلی كوردە.

لە كۆتاییش هاتووە: پژاك لەگەڵ بەرزڕاگرتنی ڕۆژی جیهانی كرێكاران و پیرۆزبایی لە هەموو كرێكارانی نەتەوە بندەستەكانی ئێران و ڕۆژهەڵاتی كوردستان، قۆناغی ئێستا بە قۆناغی بەرزبوونەوەی سەرهەڵدانی دیموكراتی و بەردەوامی گەلەكەمان و گەلانی ئێران لە دۆخی هەرە قەیراناوی و شەڕ دەزانێت، ڕێبەر ئاپۆ بە پێشەنگایەتی خۆی لە بەرەوپێشبردنی شەڕی شۆرشگێڕی گەل، وەك تێكۆشانی ڕەوای توێژی كرێكار لە بەرامبەر سیستمێك كە زوڵمی چینایەتیی بۆ دەستبەسەرداگرتنی زیاتری كۆمەڵگا، گەیاندووەتە بەرزترین ئاست، ڕۆژی كرێكار ڕۆژێك سەروتر لە ڕۆژی توێژێكە و هەموو چەمكەكانی نرخ و دەستكەوتەكانی بەرخۆدانی كۆمەڵگای مرۆڤایەتی لەخۆ دەگرێت و پشتیوانی لێی باشترین شێوەی بۆ خاوەنداری لەم نرخانە لەم ڕۆژەیە، بۆیە پێویستە هەموو گەنجان، ژنان، كارمەندان، چالاكوانانی سیاسی-مەدەنی و ڕۆشنبیران پشتیوانیی و یەكێتی گشتگیریان لەگەڵ توێژی كرێكار هەبێت و بە سەرهەڵدانی خۆیان و بە ئامادەبوونیان لە مەیدانەكان لە ڕۆژی جیهانی كرێكاران، كەمپەینی “نا بۆ سێدارە، بەڵی بۆ دیموكراسی” لە سەرتاسەری ئێران و ڕۆژهەڵاتی كوردستان، لەدژی لەسێدارەدان، كۆمەڵكوژی و شەڕ، بگەیەننە سەركەوتن، ڕۆژی كرێكار دەتوانێت، سەرسەختانە هەڵویستی ڕادیكاڵ و دیموكراتیانەی هەموو گەلانی ئێران، لە قۆناغی هەستیاری هەنووكەیی بەرز بكاتەوە و ڕێگە لە سەركوتەكانی دەسەڵاتی ئێران بگرێت و تێكۆشانی ئازادی هەنگاوێك زیاتر لە سەركەوتن نزیك بكاتەوە.

 



هەلبژاردە

گرنگترینەکان