سەردێر

كرێكاران لەبەرچاوی هەمووان دەچەوسێندرێنەوە

 

سلێمانی – نزار جەزا
ئەندامێكی ئەنجومەنی پارێزگای سلێمانی ڕایدەگەیەنێت، كرێكاران لەهەرێمی كوردستان لەبەرچاوی هەمووان دەچەوسێندرێنەوە.

كاسترۆ مەعروف ئەندامی ئەنجومەنی پارێزگای سلێمانی بە(خەڵك)ی ڕاگەیاند، كرێكاران چینێكی مافخوراون، كە پێویستە لەڕێگەی یاسا و ڕێنمایی تایبەتەوە خاوەنكارەكان ناچاربكرێن، كە مافەكانیان لەشوێنی كار بۆ دابینبكەن.

ئەوەشی باسكرد، كرێكاران پێویستیان بەوەیە بەكردار كاریان بۆ بكرێت و لەماوەی ڕابردووشدا دەیان خاوەنكاریان ناچاركردووە، كە كاتی كاركردنی كرێكارەكان كەمبكاتەوە بۆ كاتی یاسایی و بیمەی كۆمەڵایەتییان پێ كردوون.

ئاماژەی بەئەوەشدا، كرێكاران لەهەرێمی كوردستان لەبەرچاوی هەمووان دەچەوسێندرێنەوە، بەجۆرێك كاریان پێدەكرێت و موچەیان نادرێتێ، شوێنی مانەوەی گونجاویان نییە، لەپشتی ئۆتۆمبێلدا بۆ شوێنی كار دەیانگوازنەوە، كەسایەتییان ناپارێزرێت.

زیاتر ڕوونیكردەوە، بەناوی زەمانەوە مانگانە پارەیان لێ دەبڕدرێت، بەبێ ئەوەی بەرچاوڕوونییان پێبدرێت، لەسەروو ١٢ كاتژمێر كار بەكرێكاران دەكرێت، هەر كرێكارێك داوای مافی خۆی بكات دووردەخرێتەوە.

ناوبراو ئەوەشی خستەڕوو، یاداشتێكی لەبارەی ئەو گرفتانەوە لەڕێگەی سەرۆكایەتی ئەنجومەنی وەزیرانەوە پێشكەش بە وەزیری كار و كاروباری كۆمەڵایەتی و حكومەتی هەرێم كردووە.

لەو یاداشتەدا داوای كردووە، بیمەی بێكاری بۆ كرێكاران دابینبكرێت، هەروەها كەمترین كرێی كاركردنی مانگانە ٦٠٠ هەزار دینار بێت، زیادكردی لیژنەكانی چاودێری شوێنی كار و جێبەجێكردنی مافی دەستەبەری كۆمەڵایەتی و خانەنشینی بۆ كرێكاران.

وتیشی: لەیاداشتەكەدا بە دە خاڵ داواكارییەكانم خستۆتەڕوو.

دەقی یاداشتەكە:

No description available.

No description available.

No description available.