سەردێر

لە هەولێر خۆپیشاندان دەستی پێكرد

خەڵك-ئارام سەردار
لەڕۆژی ١ی ئایار، ڕۆژی جیهانی داكۆكی لەمافی كرێكاران، لیژنەی هاوبەشی چەپی كوردستان لەحزبی شیوعی و زەحمەتكێشان و بزووتنەوەی دیموكراتی گەلی كوردستان گردبوونەوە.

لەبەیاننامەیەكدا لیژنە هاوبەشەكە ئەوەدەخەنەڕوو، ئەمڕۆ ڕۆژی بەرەنگاری و تێكۆشانی نێونەتەوەیی كرێكارانە، بۆیە دادپەروەری كۆمەڵایەتی و ڕووبەڕووبونەوەی هەژاری و پەتای كۆرۆنا و مافی بیمەی تەندروستی و پیسبوونی ژینگە، هەروەها چەوساندنەوەی چینایەتی بنەمای ئەو ڕووبەڕووبونەوەیە، چونكە كرێكارانی كوردستانیش بەدەرنین لەكرێكارانی جیهان و بەهەڵومەرجێكی سەختدا تێپەڕدەبن.

دەشڵێن، “كۆرۆنا كاریگەری ڕاستەوخۆی لەسەر شێوەی كار و بڵاوبوونەوەی بێ كاری و دابەزینی هەق دەست كردوە، بۆیە داوای بیمەی بێكاری بۆ كرێكاران و دابینكردنی كەمێك كرێ كە لە ٧٠٠ هەزار دینار كەمتر نەبێت، نابێت هیچ كرێكارێك لەدەرەوەی بیمەی كار و دەستەبەری كۆمەڵایەتی”.

داواش دەكەن، ڕێكاری پێویست بگیرێتەبەر بۆ ڕێگری لەهەراسانكردن و دەستدرێژی سێكسی بەرامبەر كرێكارانی مێینە لەكەرتی تایبەت و دانەوەی پاشەكەوتی مووچەی كرێكاران و مووچەخۆران و نەهێشتنی لێبڕین، لەگەڵ ئاشكراكردنی بڕی داهاتی سندوقی زەمان و خانەنشینی كرێكاران، هەروەها دابینكردنی مافی مۆڵەتی دایكایەتی بۆ كرێكارانی مێینە لەگەڵ دابینكردنی یەكەی نیشتەجێبوون بۆ كرێكران.

هاوكات داوای دامەزراندنی سەندیكایەكی نوێی كرێكاران دەكەن، دوور لەهەژموونی دەسەڵات، دادگایی كردنی ئەو خاوەن كارانەی هۆیەكانی خۆپارێزی بۆ كرێكاران دابین ناكەن.

No description available.No description available.No description available.No description available.