سەردێر

وەزارەتی پێشمەرگە لەسەر هێرشی ئەمشەوی داعش ڕاگەیەنراوێكی بڵاوكردەوە

خەڵك-
وەزارەتی پێشمەرگەی حكومەتی هەرێم سەبارەت بە هێرشیی ئەمشەوی چەكدارانی داعش لە میحوەری پردێ‌ ئاشكرای دەكات، ژمارەیەكی زۆر لاشەی چەكدارانی داعش جێماون.

وەزارەتی پێشمەرگە لە ڕاگەیەنراوێكدا ئاماژەی بەوەكردووە،هێزی پێشمەرگەی كوردستان بەتوندی بەرپەچی هێرشەكەی تیرۆریستانی داعشی داوەتەوە و تێكیشكاندوون.

ڕاشیگەیاندووە، لە كاتی ڕاوەدوونانیان، چەكدارانی داعش ژمارەیەكی زۆریان كوژراون و لاشەكانیان جێماون، بەداخەوە شەهید و بریندار لەڕیزی هێزی پێشمەرگەدا هەن.

بەپێی زانیارییەكان، لە هێرشی چەكدارانی داعش بۆ سەر میحوەری پێشمەرگە لە سنووری پردێ‌ لە پارێزگای كەركوك 3 پێشمەرگە شەهید بوون و 2 پێشمەرگە بریندار بوون، كە ئێستا دۆخی تەندروستییان جێگیرە.

May be an image of 3 people, military uniform and outdoors