سەردێر

داهاتی گەشتیاری لە توركیا كەمی كردووە

خەڵك-

دەستەی ئاماری توركیا ڕایدەگەیەنێت، داهاتی گەشتیاری بۆ چارەكی یەكەمی ئەمساڵ بەراورد بە هەمان ماوەی ساڵی ڕابردوو كەمبووەتەوە.

دەستەی ئاماری توركیا لە ڕاگەیەنراوێدا ئاماژە بۆ ئەوە دەكات، داهاتی گەشتیاری لە چارەكی یەكەمی ئەمساڵ سەرەڕای ئەوەی 2 ملیار و 452 ملیۆن دۆلار بووە، لەو بڕەش گەشتیارانی بیانی كە بەمەبەستی گەشت هاتوون بۆ توركیا (68.8%)ی ئەو داهاتەی پێكهێناوە، هەروەها (31.2)ی داهاتەكەش لەلایەن ئەو گەشتیارانەوە بووە، كە مۆلەتی مانەوەیان لە توركیا هەیە.

ئاشكراشیكرد، لە 3 مانگی یەكەمی ئەمساڵ (2) ملیۆن و (600) هەزار و (468) گەشتیار سەردانی توركیایان كردووە، ئەمەش بەراورد بە هەمان ماوەی ساڵی رابردوو (53.9%) كەمیكردووە.

ڕوونیشیكردەوە، خەرجی مامناوەندی ئەو گەشتیارانەی مۆڵەتی مانەوەیان هەیە لە توركیا بە 44 دۆلار خەمڵێندراوە، ئەو گەشتیارانەی كە مۆڵەتی مانەوەشیان نییە لە توركیا تێكڕای خەرجی مامناوەندیان بە (64) دۆلار خەمڵێندراوە.