سەردێر

بكوژانی ساردەمەنی فرۆشەكەی گەڕەكی ڕاپەڕین دەستگیركران

خەڵك-
لەسەر دۆسیەی كوشتنی گەنجێك مەفرەزەكانی بەشی پۆلیسی فریاكەوتنی سلێمانی دوو تۆمەتباریان دەستگیركرد .

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، شەوی ڕابردوو لەگەڕەكی ڕاپەرینی شاری سلێمانی لەئەنجامی دەمەبۆڵەی نێوان دوو دراوسێ‌ دوكان شەڕ و ئاڵۆزی دروست بوو لەئەنجامدا خاوەنی یەكێك لە دوكانەكان (دوكانی ساردەمەنی) كە بەچەقۆ هێرشی كرابووە سەر و بریندار بوو، گیانی لەدەستدا .

ڕاشیگەیاند، دەستبەجێ‌ هێزەكانی بەشی پۆلیسی فریاكەوتن و بنكەی پۆلیسی ڕاپەڕین گەیشتنە شوێنی ڕوداوەكە و توانرا لەماوەیەكی كەمدا تۆمەتباری سەرەكی ڕووداوەكە، كە هەڵاتبوو لەچەند گەڕەكێك لەولای شوێنی ڕووداوەكە لەلایەن بەشی پۆلیسی فریاكەوتنەوە دەستگیركرا.

ئاشكراشی كرد، خاوەنی كافتریاكەیە و تۆمەتبارێكی تریش، كە هاوكاری كوشتنەكە بووە دەستگیركرا .

جەختیشی كردۆتەوە، لەئێستادا هەریەك لە تۆمەتباران، (ك ، ع ، ع لەدایكبوی 1990 و ژ ، ف ، ر لەدایكبووی 1998) بەبڕیاری دادوەر و بەپێی ماددەی 405 لەیاسای سزادانی عیراقی ڕاگیراون و لێكۆڵینەوە لە گەڵیان بەردەوامە .

May be an image of one or more people and people standing