سەردێر

هەولێر، نەشتەرگەرییەكی دەگمەن ئەنجامدرا

 

خەڵك-ئارام سەردار
لەیەكێك لەنەخۆشخانەكانی هەولێر، بۆ یەكەمجار لەسەر ئاستی كوردستان و عیراق نەشتەرگەرییەكی دەگمەن ئەنجامدرا و نەشتەرگەریەكەش لەسەر ئاستی ڕۆژهەڵاتی ناوەڕاست چوارەم نەشتەرگەریە ئەویش نەشتەرگەری شاخوێنبەری دڵە.

د. هێمن عەبدولرەحمان، پزیشكی پسپۆڕی نەشتەرگەری دڵ و ملولەكانی خوێن لەكۆنڕاسێكی ڕۆژنامەوانیدا ڕایگەیاند، توانیمان لەسەر ئاستی عیراق نەشتەرگەریەكی دەگمەن ئەنجام بدەین كە ئەویش نەشتەرگەری شاخوێنبەری دڵە، پێشتر نەخۆش دەبو بچێتە دەرەوەی وڵات.

دەشڵێت، لەگەڵ تیمێكەی نەشتەرگەریان بۆ پیاوێكی تەمەن ٧٥ ساڵ ئەنجامدا كە بۆ یەكەمجارە لەسەر ئاستی كوردستان و عیراق و چوارەم جارە لەسەر ئاستی ڕۆژهەڵاتی ناوەڕاست بە بەرزترین تەكنیكی پزیشكی ئەنجام بدەن و دوای 24 كاتژمێر بەباری تەندروستی باشەوە نەخۆشەكە ڕەوانەی ماڵەوە كرایەوە.

ئەوەشی خستەڕوو، نەشتەرگەریەكە 5 كاتژمێری خایاند و ئەنجامدانی نەشتەرگەری لەم شێوەیە وادەكات نەخۆش لەشارەكانی تری عیراقیش ڕوولەهەرێم بكەن و سود وەربگرن، هیوادارین حكومەت پاڵپشتی نەخۆشخانە حكومی و تایبەتەكان بكات بۆ ئەنجامدانی نەشتەرگەری لەم شێوەیە.