سەردێر

“%85 ی پرۆگرامی خوێندنی ئەمساڵ تەواو كراوە”

 

خەڵك
سەرۆكی زانكۆی سەڵاحەدین دەڵێت نزیكەی %85 ی پڕۆگرامەكانی خوێندن لە زۆربەی كۆلێژەكان خوێندراوەو دوای جەژن دەستدەكرێت بە تاقیكردنەوەكان.

جەوهەر فەتاح سەرۆكی زانكۆی سەڵاحەدین، بۆ دەنگی ئەمریكا دەڵێت، نزیكەی لە 85% ی پڕۆگرامەكانی خوێندن لەزۆربەی كۆلێژەكان خوێندراوە و دوای جەژن دەست دەكرێت بەتاقیكردنەوەكان، تا كۆتایی ساڵ دەتوانین لە 90% پرۆگرامەكانی خوێندن بەشێوەیەكی ڕێكوپێك تەواوبكەین .

“هەتا ئێستا گرفتمان بەبووە “

سەرۆكی زانكۆی سەڵاحەدین لە بارەی كاریگەریەكانی كۆرۆنا دەڵێت، لە 4-10 ساڵی خوێندنی 2020-2021 مان دەستپێكرد بەشێوەیەكی زۆر ڕێكوپێك بەپێی پلانی وەزارەت كە پێی دەوترێت پلانێكی ئاوێتە، هەتا ئێستا هیچ گرفتێكی ئەوتۆمان نەبووە بەپێی پلانی خوێندنەكە كە وەزارەتی خوێندنی باڵا پەسەندی كردووە و هەموو ڕێنماییەكانی تەندروستی كە لە لیژنەی باڵای بەرەنگاربوونەوەی پەتای كۆرۆناوە دەردەچێت، هەموو ڕێنماییەكانمان بەشێوەیەكی ڕێكوپێك بەجێگەیاندووە.

ئاماژەی بەوەشكرد، ڕێژەی خوێندنمان تا ئەمكاتەی قسەدەكەم لەزۆربەی كۆلێژەكان وەكو زانكۆی سەڵاحەدین زیاتر لە 80% جێبەجێ كراوە ئەگەر بەهۆی بوونی پەتای كۆرۆنا ئێمە بتوانیین ڕێژەی ئاستی خوێندن 80% بەرزبكەینەوە كەواتە ئێمە سەركەوتوو بووین لەو پرۆسەیەی كە پلانی خوێندنمان جێبەجێكرد بۆ ساڵی خوێندنی 2020-2021، لەدوای جەژن لەمانگی پێنجەوە دەست بەتاقیكردنەوەكان دەكەن بەپێی هەمان ڕێنماییەكانی وەزارەتی خوێندنی باڵا.

” تا كۆتایی ساڵ دەتوانین لە 90% ی پرۆگرامەكانی خوێندن بەشێوەیەكی ڕێكوپێك تەواوبكەین “

وتیشی، لەو بڕوایەداین بتوانین زیاتر 90% ی پرۆگرامی خوێندنی خۆمان بەتایبەتی لە زانكۆی سەڵاحەدین، وە لەهەموو زانكۆكانی هەرێمی كوردستان بخوێنین، بەڵام من لەسەر زانكۆی سەڵاحەدین قسە دەكەم دەتوانیین لە 90% پرۆگرامەكانی خوێندن بەشێوەیەكی زۆر ڕێكوپێك بەشێوەیەكی زۆر جوان بەبێ ئەوەی گرفتێكی وا هەبێت جێبەجێمان كردووە و جێبەجێشی دەكەین.