سەردێر

كەركوك، لە تەقینەوەیەكدا چوار كوژران و پێنجی تر برینداربوون

خەڵك-
سەرچاوەیەكی ئەمنی باڵا لە پارێزگەی كەركوك، ئاماژە بە كوژرانی چوار پۆلیس و و برینداربوونی پێنجى تر دەكات لەكاتی هەوڵیان بۆ پوچەڵكردنەوەی بۆمبێك لە ناحیەی ڕەشادی سەر پارێزگەكە.

سەرلەئێوارەی ئەمڕۆ سێ‌ شەممە، سەرچاوەیەكی ئەمنی بە میدیاكانی عیراقی ڕاگەیاند”هێزەكانی پۆلیسی فیدراڵی، بۆمبێكی پاشماوەی جەنگی دژ بە داعشیان گواستەوە بۆ نێو بارەگای لیوای 12 لە ناحیەی ڕەشاد، بە مەبەستی پوچەڵكردنەوەی كاریگەرییەكانی”.

بە وتەی سەرچاوەكە”تیمێكی بنبڕكردنی تەقەمەنییەكان لەكاتی كاركردنییان بۆ لەبەریەكهەڵوەشاندنەوەی، بۆمبەكە تەقییەوە و بووە مایەی كوژرانی چوار كەس و برینداربوونی لانی كەم پێنج كەسی تر”.