سەردێر

كام ڤاكسینە بۆ ژنانی دووگیان باشە؟

توێژینەوەیەك: ژنانی دووگیان مەترسی مردنیان بە كۆرۆنا زۆرترە

خەڵك-

بەپێی توێژینەوەیەكی نوێ ژنانی دووگیانی تووشبووی كۆرۆنا مەترسی زیاتری مردن و چوونە ژێر چاودێری چڕ و لەدایكبوونی پێشوەخت و كاردانەوەی دیكەیان لەسەرە.

بەپێی ئەم توێژینەوەیە كە لە چەند وڵاتێكدا كراوە، دووگیان بوون كۆمەڵێك گۆڕانكاری لە لەشی ژندا دروست دەكات كە دەبێتەهۆی زیاتر كاریگەری ڤایرۆسی كۆرۆنای لەسەر دروست ببێت.

دەكرێت ژنانی دووگیان هەندێك پارێزگاری لە خۆیان بكەن لەوانە بەكارهێنانی ڤاكسینی دژە كۆرۆنا، پسپۆڕان دەڵێن ڤاكسینی مۆدێرنا و فایزەر بۆ ژنانی دووگیان باش و سەلامەتن.

ئەم توێژینەوەیە لە 18 دەوڵەت لەنێویاندا ئەمریكا و ئەمریكای نێوەڕاست و باشور و ئەوروپا و ئاسیا و ئەفریقا كراوە، نزیكەی 700 ژنی دووگیانی تووشبوو بە كۆرۆنا و 1400 ژنی دووگیانی تووش نەبوو بە كۆرۆنا بەشدارییان كردووە و توێژینەوەكە لە ژێر سەرپەرشتی زانكۆی ئۆكسفۆرددا ئەنجام دراوە.