سەردێر

لە سەردەشت كۆڵبەرێك بریندار كرا

خەڵك
كۆڵبەرێكی خەڵكی سەردەشت بە تەقەی ڕاستەوخۆی هێزە چەكدارەكانی ئێران بریندار كرا.

ڕێكخراوی مافی مرۆڤی هەنگاو بڵاویكردەوە، بەرەبەیانی ئەمڕۆ سێشەممە هێزە چەكدارەكانی ئێران لە سنووری سەردەشت تەقەیان لە پۆلێك كۆڵبەر كردووە و لە ئاكامدا كۆڵبەرێك بە سەختی پێكراوە.

هەنگاو ئەوەشی بڵاوكردەوە، ئەو كۆڵبەرە ناوی سامان ڕەسووڵ زادە یەو لە ئێستادا بە مەبەستی چارەسەریی پزیشكی بۆ نەخۆشخانەیەكی شاری سەردەشت گوازراوەتەوە.