سەردێر

حكومەت، ڕاپۆرتی دووەمی چاكسازی ڕەوانەی پەڕلەمان كرد

خەڵك-

حكومەتی هەرێمی كوردستان راپۆرتی دووەمی لیژنەی باڵای چاكسازیی لە مووچە و دەرماڵە و بەخشین و ئیمتیازاتەكان و خانەنشینی لە هەرێمی كوردستان ڕادەستی پەڕلەمان كرد.

ئەمڕۆ دوو شەممە حكومەتی هەرێمی كوردستان ڕاپۆرتی دووەمی لیژنەی باڵای چاكسازیی لەبارەی مووچە و دەرماڵە و بەخشین و ئیمتیازاتەكان و خانەنشینی ڕەوانەی پەڕلەمان كرد.
بەپێی زانیارییەكان، هەر پەڕلەمانتارێك وێنەیەك لە ڕاپۆرتەكەی پێدەدرێت بۆ ئەوەی لە دانیشتنی پەڕلەماندا ڕا و بۆچوونی خۆیانی لەسەر بابەتەكە بڵێن.

پرۆژەیاسای چاكسازی لە مووچە و خانەنشینی و دەرماڵە و ئیمتیازاتەكانی دیكە، لە خولی پێشووی پەڕلەمان پەسندكرا، بەڵام بەهۆی ناڕەزایی خەڵك لە مووچە و خانەنشینی پلەباڵاكان و كەمی مووچەی خانەنشینی فەرمانبەران پڕۆژەكە گەڕێنرایەوە بۆ حكومەت.