سەردێر

وەزیرێكی گۆڕان بانگهێشتی پەڕلەمان دەكرێت

خەڵك-
پەڕلەمانی كوردستان كۆدەبێتەوە و بۆ گفتوگۆ كردن لەسەر كێشەكانی (منداڵان و هاووڵاتییانی خاوەن پێداویستیی تایبەت و خانەوادەكانیان) بانگهێشتی وەزیری كار و كاروباری كۆمەڵایەتی، كە لە پشكی بزووتنەوەی گۆڕانە دەكرێت.

بەپێی بانگهێشتنامەیەك، كە واژۆی د. ڕێواز فایەق، سەرۆكی پەڕلەمانی كوردستانی لەسەرە، بڕیارە ڕۆژی سێ‌ شەممە 27ی نیسان لە كاتژمێر 11ی نیوەڕۆ كۆبوونەوەی پەڕلەمان ئەنجام بدرێت.

بەپێی ڕاگەیەنراوەكە، گفتوگۆ لەسەر كێشەكانی (منداڵان و هاووڵاتییانی خاوەن پێداویستیی تایبەت و خانەوادەكانیان)، بەئامادەبوونی وەزیری (كار و كاروباری كۆمەڵایەتی)ی حكومەتی هەرێمی كوردستان دەكرێت.