سەردێر

كازمی وەزيرێك و چەند بەرپرسێكی لە پۆستەكانیان دوورخستەوە

خەڵك-
سەرۆك وەزیرانی عیراق لەسەر ڕووداوی ئاگركەوتنەوەكەی نەخۆشخانەی ئیبن خەتیب لە بەغدا لیژنەی پێكهێنا و وەزیری تەندروستی و چەند بەرپرسێكی لە پۆستەكانیان دوورخستەوە.

بەپێی ڕاگەیەنراوێكی ئەنجوومەنی وەزیرانی عیراق، دوانیوەڕۆی ئەمڕۆ ئەنجوومەنی وەزیران كۆبوونەوەی نائاسایی بە سەرۆكایەتی مستەفا كازمی ئەنجام داوە بۆ لێكۆڵینەوە و گفتوگۆ كردن لەسەر ئەو ڕووداوەی لە نەخۆشخانەی ئیبن خەتیب ڕوویداوە.

ئاماژە بەوەشكراوە، لیژننەیەكی لێكۆڵینەوە پێكهێنراوە بە سەرۆكایەتی وەزیری ناوخۆ و ئەندامێتی وەزیرانی پلاندانان و داد و سەرۆكی دەستەی دەستپاكی.

جەختیشكراوەتەوە، كازمی بڕیاریداوە بە لەكاردورخستنەوەی وەزیری تەندروستی و بەڕێوەبەرری گشتی تەندروستی ڕوسافە و پارێزگاری بەغدا و ڕەوانەكردنیان بۆ لێكۆڵینەوە.