سەردێر

ژمارەیەك خوێندكار گردبوونەوە

خەڵك-ئارام سەردار

خوێندكارانی بەشی كارگێڕی یاسا لە پەیمانگای تەكنیكی كارگێڕی هەولێر قوناغی یەك و دوو گردبوونەوەیەكیان ئەنجامدا، داوا دەكەن بڕیاری گواستنەوەیان بەزۆرەملێ بۆ پەیمانگاكانی كۆیە و خەبات ڕابگیرێت.

لە یاداشتێكدا كە لەكۆنفڕانسێكی ڕۆژنامەوانی خستیانەڕوو ئەو خوێندكارانە ڕایدەگەیەنن، ژمارەمان ٤١ خوێندكارە و خوێندكاری بەشی كارگێڕی یاسا لە پەیمانگای تەكنیكی كارگێڕی هەولێرین قوناغی یەك و دووین مافمان خوراوە كە بەبێ ماف و هیچ هۆكارێكی لۆژیكی و بە زۆرەملێ گوازراوینەتەوە بۆ پەیمانگا تەكنیكییەكانی كۆیە و خەبات لە كاتێكدا هەردوو پەیمانگای ناوبراو ئامادەنین ئەو 40خوێندكارە وەربگرن ٣ ڕۆژە بێبەش بووین لە دەوام و چارەنووسیشمان نادیارە.

دەشڵێن، ئەو بڕیارە ٢١ ڕۆژە دراوە، ئێمەش بووینەتە قوربانی جێەجێ نەكردنی بڕیارەكان لەنێوان كاربەدەستان، داوا دەكەین بەدەنگمانەوە بێن و كێشەكەمان بۆ چارەسەر بكەن، بەپێچەوانەوە هەموو ڕێگایەك دەگرینە بەر تاوەكو شەونخوونی ١٤ ساڵی خوێندنمان بەفیڕۆ نەچێت.