سەردێر

دوكانێكی ساردەمەنی داخرا

پاشەڕۆی مشك و جرجی تێدابووە

خەڵك
سەرۆكی لیژنەكانی قائیمقامیەت رایدەگەیەنێت، بەهۆی پابەندنەبون بە مەرجەكانی تەندروستی و هەبونی پاشەڕۆی (مشك وجرج) ، لیژنەكان ساردەمەنی پریجێڵ یان داخست.

ئەمڕۆ شەممە(2021.4.24) لەشكر حەمید، سەرۆكی لیژنە هاوبەشەكانی قائیمقامیەتی سلێمانی رایگەیاند، بەهۆی سەرپێچیكردن لە مەرج و رێنماییەكانی تەندروستی و هەبونی پاشەڕۆی قرتێنەرەكان (مشك،جرج) لە شوێنەكەیدا، قائیمقامیەتی سلێمانی ساردەمەنی پریجێڵ لە گەڕەكی ئاشتی شاری سلێمانی داخست.

وتیشی:سەرپێچییەكی دیكەی ساردەمەنییەكە، بەكارهێنانی قاوە و بۆنی ماوە بەسەرچوە لە دروستكردنی ساردەمەنییەكانیدا، كە دوەمجاریەتی لەلایەن لیژنە هاوبەشەكانی قائیمقامیەتی سلێمانییەوە دەست بەسەر پێداویستی ماوەبەسەرچوودا دوگیرێت تیایدا ، بۆیە بەفەرمانی قائیمقامی سلێمانی دادەخرێت و خاوەنەكەی روبەڕوی رێكاری یاسایی توند دەكرێتەوە.

ئاماژەی بۆئەوەكرد، هەڵمەتی لیژنە هاوبەشەكانی قائیمقامیەت بۆ دوكان و بازاڕ و شوێنە گشتییەكان و پشكنین بۆ كاڵاوشمەك و خواردەمەنییەكان بەردەوامە و لەهەرشوێنێك سەرپێچی بكرێت روبەڕوی داخستن و خاوەنەكەشی رێكاری یاسایی توندی بەرامبەر دەگریێتەبەر.

ئاماژە بەوەشكراوە، لەكاتی هەبونی سكاڵا یان پێدانی زانیاری بە قائیمقامیەتی سلێمانی و لیژنە هاوبەشەكان پەیوەندی بە ژمارە مۆبایلی (07708677777)ـەوە بكەن.

No description available.

No description available.

No description available.

No description available.

No description available.