سەردێر

لێكۆڵینەوەیەك بۆ لەناوبردنی كۆرۆنا ئاشكرا كرا

خەڵك-

بەپێی لێكۆڵینەوەیەكی نوێ‌، دەركەوتووە تیشكی خۆر و شێداری تەمەنی ڤایرۆسی كۆرۆنا كورت دەكەنەوە.

كارین تێگمارك ڤیسێل، بەرپرسی فەرمانگەی تەندرووستی هاووڵاتیان لە سوید ئاشكرایكرد، ئومێدی ئەوەی هەیە لەمەودوا، كە بەرەوە وەرزی گەرمی و بەرزبوونەوەی پلەكانی گەرما دەڕۆین بەرگرییەكی باشتر دژی ڤایرۆسی كۆرۆنا بوونی هەبێت.

وتیشی، “توێژینەوەكان ئەوەیان دەرخستووە، كە ڤایرۆسی كۆرۆنا لەبەر تیشكی خۆردا زۆر خێرا ناكارا دەبێت”.

ئاشكراشیكرد، ڤایرۆسی كۆرۆنا لەماوەی ٢٠ خولەكدا بە ڕێژەی ٩٠٪ لەناودەچێت.

ئەمەش لەكاتێكدایە، ڤایرۆسی كۆرۆنا لە جیهان ڕووی لە هەڵكشانە و بەپێی دواین ئاماریش، تووشبووانی كۆرۆنا لە جیهاندا 146 ملیۆن و 500 كەسی تێپەڕاندووە، هاوكات لە هەرێمی كوردستانیش تووشبوان ڕوو لە هەڵكشانە و وەزارەتی تەندروستی حكومەتی هەرێمیش داوا لە هاووڵاتیان دەكات ڕێنماییەكانی تەندروستی جێبەجێ بكەن.