سەردێر

زانیاری لەسەر ئەو بوومەلەرزانەی لە هەرێم ڕوودەدەن بڵاودەكرێتەوە

خەڵك-
بەیانی ئەمڕۆ بوومەلەرزەیەك ناوچەكانی ئیدارەی گەرمیانی هەژاند و شارەزایەكی كەشناسی و بوومەلەرزەزانی دەڵێت: “بەهۆی ڕوودانی بوومەلەرزە لە پلێتی عەرەبی و پلێتی فارسی ئەگەری ڕوودانی بوومەلەرزەی دیكە هەیە”.

محەمەد كەمال، شارەزای بواری كەشناسی و بوومەلەرزەزانی بۆ (خەڵك) ئاماژەی بەوەكرد، كاتژمێر 9:56 خولەكی بەیانی ئەمڕۆ سێ شەممە ٢٠٢١/٤/٢٠ بوومەلەرزەیەك بەگوڕی 2.6 پله ڕێختەر لەقوڵای 13 كیلۆمەتر لە كەلار ڕوویدا.

ڕاشیگەیاند، چەقی بوومەلەرزەكە دەكەوێتە گوندێك بەناوی (بەردەسوری كۆن) بەدوری 8.4 كیلۆمەتر لەسەنتەری قەزای كەلارەوە.

لە چەند ڕۆژی پێشوودا بەهۆی ڕوودانی دوو بوومەلەرزە لە پلێتی عەرەبی، كە ماوەیەك بوو بوومەلەرزە تێیدا ڕووینەدابوو، هەروەها ڕوودانی 8 بوومەلەرزە لە پلێتی فارسی وایكرد چالاكی بوومەلەرزە زیاتر ببێت، چونكە ناوچەکانی هەرێم پلێتی فەرسی و عەرەبی لەسەرە لە باکورەوە پلێتی فارس و لەباشورەوە پلێتی عەرەبی.