سەردێر

سعودیە، ژمارەیەكی زۆری تووشبوون بە كۆرۆنا تۆماركرا

 

خەڵك-

بۆ ڕۆژی حەوتەم لەسەر یەك، ئەمڕۆش لە سعودیە زیاتر لە 900 حاڵەتی تووشبوونی نوێ‌ بە كۆرۆنا تۆماركرا.

 

ئەمڕۆ دوو شەممە، وەزارەتی تەندروستی سعودیە ڕایگەیاند”لەماوەی 24 كاتژمێری ڕابردوو، 970 حاڵەتی تووشبوونی نوێ‌ بە كۆرۆنا تۆماركرا، لەبەرانبەر تۆماركردنی 916 حاڵەت كە لە ڕۆژی پێشوودا تۆماركرابوو، زۆربەی تووشبووەكانیش لە ناوچەی ڕیاز و مەككە و ناوچەی شەرقی بوون”.

 

هەر لەو چوارچێوەیەدا 11 حاڵەتی گیانلەدەستدان تۆماركرا، لەبەرانبەر تۆماركردنی 13 حاڵەت لە ڕۆژی ڕابردوو، لە هەمان كاتدا لە وڵاتەكە 986 حاڵەتی نوێی چاكبوونەوەش لە پەتاكە تۆماركرا.

 

لە سەرەتای بڵاوبوونەوەی پەتاكە، تائێستا لە شانشینی عەرەبی سعودیە، 405 هەزار و 940 كەس تووشی كۆرۆنا بوون و لەو نێوەندەشدا 6 هەزار و 834 كەس بەهۆی كۆرۆناوە گیانیانلەدەستدا و 389 هەزار و 598 كەسیش چاكبوونەتەوە.