سەردێر

فەرماندەیەكی باڵای سوپای قودس كۆچی دوایی كرد

خەڵك-

پەیوەندییە گشتییەكانی سوپای پاسدارانی كۆماری ئیسلامی ئێران ئاشكرایكرد، جێگری فەرماندەی فەیلەقی قودسی سوپای پاسداران بەهۆی وەستانی دڵ كۆچی دوایی كرد.

میدیای ئێرانی بڵاویكردەوە، محەمەد حسێن زادە حیجازی جێگری فەرماندەی فەیلەقی قودسی سوپای پاسداران بەهۆی وەستانی دڵ لە شاری تارانی پایتەختی ئێران كۆچی دوایی كرد.

محەمەد جەواد زەریف وەزیری دەرەوەی ئێران لەوبارەوە پرسە و هاوخەمی خۆی ئاڕاستەی سوپای قودسی ئێران و ڕێبەری شۆڕشی كۆماری ئیسلامی ئێران كرد.

ناوبراو لە پرسەنامەیەكدا ئاماژە بۆ ئەوە دەكات، كۆچی دوایی ئەم پیاوە موسڵمانە و هاوڕێ نزیكی قاسم سولەیمانی تەمەنی خۆی بۆ بەرگری لە وڵات فیداكرد.