سەردێر

توركیا هۆشداری لە دراوی كۆدكراو دەدات

خەڵك-

بانكی نێوەندی توركیا هۆشداری دەدات لە بەكارهێنانی دراوی كۆدكراو لە كڕینی كەل و پەل و خزمەتگوزارییەكان و راشیدەگەیەنێت زیانەكانی ئەمە لە ئایندەدا چارەسەر ناكرێن و مەترسی گەورە دروست دەكەن.

ئەمڕۆ هەینی بانكی نێوەندی توركیا راگەیەنراوێكی بڵاوكردەوە تێیدا رایگەیاند ناكرێت دراوە كۆدكراوەكان بەكاربهێنرێن، چ بەشێوەی راستەوخۆ چ بەشێوەی ناراستەوخۆ.

لە توركیا گەشەی بازاڕی دراوە كۆدكراوەكان زیاتر گەشەی كردووە، وەبەرهێنەران چاوەڕێی سودێكی زۆر دەكەن بەتایبەت لەگەڵ بەرزبوونەوەی بەرچاوی دراوی بیتكوین.

رێژەی ساڵانەی هەڵاوسان لە توركیا بۆ 16% زیاد بووە لە مانگی ئاداردا، بەهۆیەوە دراوی لیرە لاواز بووە، فشارەكانی سەر هەڵاوسان بانكی نێوەندی ناچاركردووە ئەم داواكارییە بكەن.