سەردێر

قائیمقامیەتی سلێمانى كۆمپانیاكانی خزمەتگوزاریی لە سیتییەكاندا ئاگادار دەكاتەوە

خەڵك-

قائیمقامیەتی سلێمانی ئاگاداری كۆمپانیاكانی دابینكردنی خزمەتگوزاری لە سیتییەكاندا دەكات‌ پێویستە رێكارەكانی خۆپارێزی جێبەجێ بكەن جەختیش لەسەر پێویستی پابەندبونیان دەكاتەوە‌‌.

ئەمڕۆ پێنجشەممە (2021.4.15) لیژنە هاوبەشەكانی قائیمقامیەتی سلێمانی ئاگادارییەكی‌ یٔاراستەی كۆمپانیاكانی دابینكردنی خزمەتگوزاری لە سیتییەكان كردوە كە تیایدا هاتوە‌: لەناو سیتییەكاندا رێكارەكانی خۆپارێزی لە ڤایرۆسی كۆرۆنا جێبەجێ بكرێت و ئەو كەسانەی بەمیوانی سەردانی سیتییەكان دەكەن پێویستە ماسك ببەستن.

ئەوەشخراوەتەڕو: دانانی مادەكانی پاكژكردنەوە (معقم) و رشاندنی ئاسانسۆرەكان (مصعد) و شوێنی یاری مناڵان بەشێوەیەكی بەردەوام بە‌مادەی پاكژكردنەوە.
لە ڕێنماییەكاندا ئاماژە بۆ ئەوەكراوە، بڵاوكردنەوەی پروشەرو ڕێنمایی خۆپارێزی لەڤایرۆسی كۆرۆنا لەناو سیتییەكاندا و هەبونی هەماهەنگی لەنێوان كۆمپانیاكانی دابینكردنی خزمەتگوزاری لە سیتییەكان لەگەڵ لیژنە هاوبەشەكان بۆ گرتنەبەری ڕێكاری خۆپارێزی.

رێنمایی بۆ كۆمپانیاكانی دابینكردنی خزمەتگوزاری لە سیتیەكاندا؛
1. لەناو سیتییەكاندا، رێكارەكانی خۆپارێزی لە ڤایرۆسی كۆرۆنا جێبەجێ بكرێت.
2. ئەوكەسانەی سەردانی سیتییەكان دەكەن ماسك ببەستن.
3. تعقیم كردنی سیتییەكان و شوێنی یاری مناڵان بەماددەی پاكژكەرەوە.
4. دانانی معقم و ڕشاندنی مەسعەدەكان بەبەردەوامی.
5. پابەندكردنی فرۆشگاو خواردنگەو كافتریاكانی ناو سنوری سیتییەكان بەڕێكارەكانی خۆپارێزی.
6. بڵاوكردنەوەی پروشەرو ڕێنمایی خۆپارێزی لەڤایرۆسی كۆرۆنا لەناو سیتییەكان.
7. بونی هەماهەنگی لەنێوان سیتییەكان و لیژنە هاوبەشەكان بۆگرتنەبەری ڕێكاری خۆپارێزی.