سەردێر

كەسێك بەتۆمەتی كوشتنی منداڵێكی 7 ساڵان دەستگیركرا

خەڵك-
بەڕێوەبەرایەتی بنبڕكردنی تاوان لە پارێزگەی دیوانیەی باشووری عیراق، دەستگیركردنی كەسێك بەتۆمەتی كوشتنی منداڵێكی 7 ساڵان لە پارێزگەكە ڕادەگەیەنێت.

بەپێی بەیاننامەیەك كە لەلایەن بەڕێوەبەرایەتییەكەوە بڵاوكرایەوە”مەفرزەكانی بەشی بنبڕكردنی تاوان لە دیوانیە بە هەماهەنگی لەگەڵ پۆلیسی پارێزگەی بابل، توانیان كەسێك بەتۆمەتی ئەنجامدانی تاوانی كوشتنی منداڵێكی حەوت ساڵان دەستگیربكەن كە شەش مانگ لەوبەر لە قەزای دەغارە ئەنجامدراوە”.

هەر لە بەیاننامەكەدا هاتووە”تۆمەتبارەكە لەكاتی لێكۆڵینەوەدا دانی ناوە بە خنكاندنی منداڵەكە و كوشتنی و پاشان بەستنەوەی بە تەلی كارەبا، تا كەسوكارەكەی واتێبگەیەنێت خۆی خنكاندووە، هۆكاری ئەنجامدانی تاوانەكەشی بۆ تۆڵەكردنەوە لە كەسوكاریی منداڵەكە بەهۆی ناكۆكییە تایبەتییەكان گەڕاندۆتەوە”.

پۆلیسی بنبڕكردنی تاوان لە دیوانیە دەڵێت”تۆمەتبارەكە بۆ وەرگرتنی سزای دادپەروەرانەی خۆی، دراوە بە دادگای پەیوەندیدار”.