سەردێر

پارە بۆ مۆنۆمێنت و گۆڕستانی شەهیدانی ئەنفال تەرخان دەكرێت

خەڵك-

حكومەتی هەرێم لەسەر بودجەی وەزارەتی شەهیدان بە بڕی زیاتر لە ٥٥٨ ملیۆن دینار مۆنۆمێنت و گۆڕستانی شەهیدانی ئەنفال لە چەمچەماڵ نۆژەن دەكاتەوە.

بەپێی نووسراوێكی ئەنجوومەنی وەزیران بە ژمارە (٣٦٧٣) لە ڕێكەوتی ٧/٤/٢٠٢١، كە دەست (خەڵك) كەوتووە، ڕەزامەندی دراوە لەسەر خەرجكردنی بڕی زیاتر لە (٥٥٨) ملیۆن دینار لەسەر بودجەی وەزارەتی كاروباری شەهیدان و ئەنفالكراوان بۆ نۆژەن كردنەوەی مۆنۆمێنت و گۆڕستانی شەهیدانی ئەنفال.

بەپێی نووسراوەكەی ئەنجوومەنی وەزیرانی هەرێم، كە ئاڕاستەی وەزارەتی دارایی كراوە، ئەو پارەیە تەرخان دەكرێت بۆ:
١- درووستكردنی گۆڕستانێكی تایبەت بە ڕووفاتی ١٧١ ئەنفالكراو لە زێدی خۆیان بە بڕی زیاتر لە (١٧٥) ملیۆن دینار.
٢- زیاتر لە (١٠٢) ملیۆن دینار بۆ چاككردنی گۆرستانی ئەنفالكراوان كە بریتییە لە ٨٤٠ گۆڕی شەهیدانی ئەنفال.
٣- زیاتر لە (١٨٦) ملیۆن دینار بۆ نۆژەنكردنەوەی باڵەخانەی مۆنۆمێنتی ئەنفالكراوان لە چەمچەماڵ/بانی مەقان
٤- نزیكەی (٩٥) ملیۆن دینار بۆ لێدانی بیرێكی ئیرتیوازی بۆ مۆنۆمێنتی ئەنفالكراوان لە چەمچەماڵ.

No photo description available.

No photo description available.