سەردێر

لە سلێمانی شەش تۆمەتبار دەستگیركران

خەڵك-
مەفرەزەكانی بنكەی پۆلیسی سەرچنار شەش تۆمەتباریان دەستگیركرد، كە هێرشان كردبووە سەر هاووڵاتییەك و یەكێك لە تۆمەتبارەكان تەقەی لێكردبوو .

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، شەوی ڕابردوو لە گەڕەكی سەرچناری شاری سلێمانی شەڕ و ئاڵۆزی لە نێوان چەند كەسێكدا ڕوویدا و بەهۆیەوە یەكێك لە تۆمەتباران تەقەی بەسەر هاووڵاتییەكدا كرد.

ڕاشیگەیاند، دوای گەیشتنی مەفرەزەكانی بنكەی پۆلیسی سەرچنار توانرا چوار لەو تۆمەتبارانە دەستگیربكرێن و لەژێر گوشاری پۆلیسدا دوو تۆمەتبارەكەی تریشیان خۆی ڕادەستی بنكەی ناوبراو كرد.

ئاشكراشی كردووە، لەئێستا سەرجەم تۆمەتباران بە ناوەكانی : (د،ح ، م لەدایكبووی 1994 و أ،ف، م لەدایكبووی 1993 و أ،ف ، ك لەدایكبووی 1994 و ش ، ع ، ع لەدایكبووی 1994 و ه ،أ ، ج لەدایكبووی 1995 و م ، س ، ج لەدایكبووی 1995) بەبِریاری دادوەر و بەپێی ماددەی 405-31 لەیاسای سزادانی عیراقی ڕاگیراون.

پۆلیسی سلێمانی جەختیشی كردۆتەوە، لێكۆڵینەوە لەگەڵیان بەردەوامە و دەستیش گیراوە بەسەر ئەو دەمانچەیەی، كە بە تۆمەتبار بووە و تەقەی پێكردووە.