سەردێر

چوار كرێكاری كورد گیانیان لەدەستدا

خەڵك-

ڕێكخراوی مافی مرۆڤی هەنگاو ڕایدەگەیەنێت، لە چەند ڕۆژی ڕابردوودا لانیكەم چوار كرێكار لە شارەكانی كرماشان، سنە، دێولان و مێهران بەهۆی ڕووداوی كارەوە گیانیان لەدەستداوە.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، ڕۆژی دوو شەممە (١٢ی نیسانی ٢٠٢١)، كرێكارێكی خەڵكی سنە بە ناوی “جەبار ئیمامی نەژاد” تەمەن ٣٤ ساڵ كە فەرمانبەری فەرمانگەی ئاو و ئاوەڕۆی سنە بووە، لەكاتی هەڵكەندنی چاڵی ئاوەڕۆ بەهۆی داتەپینی چاڵەكە گیانیلەدەستدا و هاوكات هەمان ڕۆژ، كرێكارێكی خەڵكی مێهران سەر بە پارێزگای ئیلام بەناوی “ئەلبورز محەمەدی” لەكاتی كاركردن لە بینایەكی نیوەكارەوە بەهۆی كەوتنە خوارەوە لە بەرزایی دەستبەجێ گیانیلەدەستدا.

ئاشكراشیكرد، ڕۆژی یەك شەممە ١١ی نیسان، كرێكارێكی تەمەن ٣٢ ساڵی خەڵكی كرماشان لە كاتی كاركردن لە بینایەك بەهۆی كەوتنە خوارەوە و كەوتنە ناو چاڵی ئاسانسۆر دەستبەجێ گیانیلەدەست داوە.
ڕۆژی شەممەی هەمان ئەم هەفتەیەش، شۆفێرێك لەكاتی كاركردن لە كانزای بەردی ئاسنی گوندی مەیمونئاوای دێولان بەهۆی تێكچوونی جەكی كامیۆنەكە گیانیلەدەستدا، ئەم شۆفیرە خەڵكی گوندی كولە سارەی بەخشی موژژ بووە.