سەردێر

بڕیارێك بۆ گەشتی عومرە لە مانگی ڕەمەزان دەرچوو

خەڵك-

هەریەكە لە وەزارەتی تەندروستی عیراق و وەزارەتەكانی حەج و عومرە و تەندروستی سعودیە بڕیاریاندا هەر عومرەكارێك بیەوێت سوننەتی عومرە لە مانگی ڕەمەزانی پیرۆز بەئەنجام بگەیەنێت، دەبێت ڤاكسینی كۆرۆنای وەرگرتبێت.

حاجی كەیوان، خاوەنی كۆمپانیای كەیوان یاسین بۆ حەج و عومرە بۆ (خەڵك) ڕایگەیاند، هەر كەسێك بەنیازی ئەنجامدانی گەشتی عومرە بێت و بیەوێت لە حەرەمی مەككە و مەدینەی پیرۆز نوێژ بكات لە مانگی ڕەمەزاندا ئەوا دەبێت ڤاكسینی كۆرۆنای لەخۆی دابێت و كارتی وەرگرتنی ڤاكسینەكەی هەبێت.

ڕاشیگەیاند، ئەو بڕیارە لەلایەن وەزارەتەكانی حەج و عومرە و تەندروستی سعودیە دەرچووە و بەهەمان شێوە وەزارەتی تەندروستی عیراقیش لە ڕێكارە نوێیەكاندا كردوویەتی بە مەرجی گەشتكردن.

جەختیشی كردەوە، لەلایەن هێڵی فڕۆكەوانی مەدەنی عیراقیەوە بۆ سەرجەم گەشتەكان مەرجی ئەوە دانراوە، كە دەبێت ڤاكسینی كۆرۆنا لەخۆت بدەیت و دەبێت پشكنینی كۆرۆنات ئەنجام دابێت.